निपाणी : दिवसेंदिवस पारंपरिक पद्धतीने वापरली जाणारी फडाची केरसुनी दुर्मीळ होऊ लागली आहे. मात्र केरसुनी बनविणारा मातंग जमात उदरनिर्वाहासाठी पारंपरिक व्यवसाय आजही टिकवून ठेवताना दिसून येत आहे. दिवस-रात्र राबून दिवाळीतील लक्ष्मी समजल्या जाणाऱ्या केरसुनी उत्पादकांच्या नशिबी अजूनही अंधारच आहे. दिवाळी तोंडावर आली असून यासाठी निपाणीतील मारूती बजंत्री कुटुंबीयांना सणाचे वेध लागले आहेत.
दिवाळीमध्ये लक्ष्मीपूजनाला केरसुनीला 'लक्ष्मी'चा मान असल्याचे मानले जाते. त्यामुळे केरसुनी विकून कुटुंबाला हातभार लावण्याचा प्रयत्न सुरू आहे. ज्या वयात बसून खायचे असते, त्या वयाच्या ६० व्या वर्षीही मारुती आपल्या कुटुंबाला मदत करीत आहेत. अनेक वर्षे हा व्यवसाय करूनही नशिबी अंधारच दिसत आहे. कितीही कष्ट केले तरी मिळणारा मोबदला अल्पच आहे.
व्यापारी कवडीमोल भावाने केरसुनी विकत घेतात. यातून होणारी आर्थिक पिळवणूक उघड्या डोळांनी पाहावी लागते. तरीही बजंत्री कुटुंबीयांनी कोरोनाच्या काळातही हा व्यवसाय सुरू ठेवला आहे. यासाठी मागील तीन ते चार महिन्यांपासून केरसुनी बनविण्यासाठी सुरुवात केली आहे. सध्या हे काम संपले असून बाजारात विविध ठिकाणी त्याची विक्री केली जात आहे.
"परंपरागत असलेल्या या व्यवसायासाठी पत्नी, मुलगा, सून, नातवंडे यांचाही हातभार लागतो. सर्व जण राबूनही मोबदला फार कमी मिळतो. मात्र परंपरा म्हणून हा व्यवसाय करीत आहोत."
- मारुती बजंत्री, केरसुनी व्यावसायिक, निपाणी
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.