बेळगाव : ग्राम पंचायत निवडणुकीसाठी गाव पातळीवर कमिटी स्थापन करण्याची सुचना तालुका महाराष्ट्र एकिकरण समितीतर्फे करण्यात आली होती. त्यानुसार तालुक्‍यातील विविध गावांमध्ये निवडणुकीत उमेदवार निवडीसह विविध प्रकारचे मार्गदर्शन करण्यासाठी कमिटी स्थापन करण्यास सुरुवात झाली आहे.
ग्राम पंचायत निवडणुक जाहीर झाल्यापासुन समितीतर्फे जोरदार मोर्चेबांधणीला सुरुवात झाली आहे. शनिवारी झालेल्या तालुका समितीच्या बैठकीत निवडणुकीबाबत कार्यकर्त्यांना विविध प्रकारच्या सुचना करण्यात आल्या होत्या. त्यानुसार कार्यकर्ते कामाला लागले असुन कमिटीकडे इच्छुक उमेदवारांना अर्ज करण्याचे आवाहन केले जात आहे. यावेळी तालुक्‍यातील जास्तीत जास्त पंचायतीवर समितीची सत्ता यावी यासाठी कार्यकर्ते प्रयत्नशिल आहेत. त्यामुळेच योग्य रणनिती आखुन निवडणुकीला सामोरे, जाण्याचा निर्णय घेण्यात आला आहे. त्याला कार्यकर्त्यांकडुनही चांगला प्रतिसाद मिळत आहे.
गाव पातळीवर नेमण्यात आलेल्या कमिटीच्या माध्यमातुन कार्यकर्त्यांना मार्गदर्शन करण्याबरोबरच योग्य उमेदवार देण्यासाठी चाचपणी केली जाणार आहे. तसेच अर्ज भरण्यासाठी वेळ कमी असल्याने अर्ज भरण्यासाठी आवश्‍यक असलेल्या कागदपत्रांची पुर्तता करण्यासाठी प्रयत्न केले जाणार आहेत. त्यामुळे उमेदवारांनाही वेळेत कागदपत्रे मिळण्यास मदत होणार आहे. तसेच समिती कार्यकर्त्यांनी गट तट विसरुन निवडणुकीला सामोरे जाणे आवश्‍यक आहे.
ग्राम पंचायती अस्तीवात आल्यापासुन बेळगाव तालुक्‍यातील सर्रास ग्राम पंचायतीवर समितीचे वर्चस्व राहीले असुन यावेळी तालुक्‍यातील 40 हुन अधिक पंचायतीवर भगवा फडकविण्याचे उदिष्ठ ठेवण्यात आले आहे. त्यामुळे 22 तारखेला होणारी निवडणुक समितीला बळकट करण्यास मदत करणारी ठरेल असे मत व्यक्‍त होत आहे.
हेही वाचा- लसीकरणाची तयारी जानेवारी अखेरपर्यंत: प्रत्येकाला दोन वेळा डोस -
येळ्ळुर येथे निवड प्रक्रिया राबविण्यास सुरुवात करण्यात आली आहे. त्याबरोबर अर्ज करण्यास कोणत्याही प्रकारची अडचण येऊ नये यासाठी तिन जणांची निवड करण्यात आली आहे. इतर गावांमध्येही कमिटी स्थापन करण्यात आल्याची माहिती मिळाली आहे. त्यामुळे चांगले उमेदवार निवडण्यास मदत होणार आहे.
एल. आय. पाटील, सरचिटणीस तालुका समिती
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.