सोलापूर: कोरोना विषाणू पार्श्‍वभूमीवर सलून व्यवसाय 22 मार्चपासून बंद आहे. आता लॉकडाउन शिथिलीकरणात सलून व्यवसायही लवकरच सुरू होणार, या आशेने व्यावसायिकांनी पुन:श्‍च व्यवसाय प्रारंभाचे नियोजन केले असून आता कोरोना विषाणूचा प्रादुर्भाव रोखण्यासाठी व्यावसायिकांना प्रशासनाने आखून दिलेल्या सुरक्षा नियमांना अधीन राहून व्यवसाय करावा लागणार आहे.
हेही वाचाः झेडपीतील शिपाई 20-25 जणांच्या संपर्कात
त्यामुळे व्यावसायिकांनी पूर्वीच्या दरात 50 टक्के दरवाढीचे नियोजन केले आहे. कोरोनाचा प्रादुर्भाव होऊ नये याकरिता प्रशासनाने सलून व्यावसायिकांना सुरक्षा साधनांची व्यवस्था करण्याचे आदेश दिले आहेत.
हेही वाचाः या जिल्ह्यात खऱीप पिकाच्या पेरणीला प्रारंभ
त्यानुसार सलून काम करणाऱ्या व्यक्तीने पीपीई किटचा वापर करावा. मास्क, हॅंडग्लोव्ह्‌ज सक्तीचे आहे. त्याचप्रमाणे प्रत्येक ग्राहकाची नोंद घेऊन त्याचे थर्मल स्कॅनिंग करावे, त्याच्या टेम्परेचरची नोंदही ठेवावी लागणार आहे. प्रत्येक ग्राहकानंतर दुकान सॅनिटायझ करावे लागणार आहे. प्रत्येक ग्राहकासाठी स्वतंत्र यूज अँड थ्रो कटिंग शीट वापरावे लागणार आहेत. यासाठी सलून व्यावसायिकांना अतिरिक्त खर्च करावा लागणार असल्याने संत सेना नाभिक दुकानदार संघाने दाढी- कटिंगच्या दरात 50 टक्के वाढ केली आहे.
नवीन दर (कंसात पूर्वीचे दर)
कटिंग : (60) 100 रुपये
स्टाईल कटिंग : (80) 130 रुपये
लहान मुलांचे कटिंग (50) 80 रुपये
दाढी : (40) 50 रुपये
स्पेशल दाढी : (50) 60 रुपये
चेहरा दाढी : (50) 70 रुपये
स्टाईल दाढी : (50) 70 रुपये
फोम दाढी : (50) 70 रुपये
एसी व मोठ्या पार्लरचे दर सेवेनुसार वाढविले
सुरक्षा साधनामुळे दर वाढवण्याची वेळ
सलून, पार्लर दुकानदारांना यापुढे कोरोना संसर्गाचा प्रादुर्भाव होऊ नये याकरिता प्रशासनाच्या काटेकोर सुरक्षा नियमांचे पालन करून व्यवसाय करावा लागणार आहे. त्यामुळे सामान्य सलून दुकानांसह एसी, पार्लरच्या दरात सेवेनुसार दरवाढ केली आहे.
- अनिल कोंडूर, अध्यक्ष, सोलापूर तेलुगु नाभिक ज्ञाती संस्था
सुरक्षेवर करावा लागणार खर्च
प्रशासनाने घालून दिलेल्या सुरक्षा नियमांचे पालन यापुढे प्रत्येक दुकानदाराला करावे लागणार आहे. त्यासाठी आवश्‍यक सुरक्षा साधनांचा खर्च दुकानदाराला करावा लागणार असल्याने यापुढे नवीन दरवाढ करत आहोत. ग्राहकांनीही सुरक्षा नियमांचे पालन करावे.
- अभयकुमार कांती, विश्‍वस्त-सचिव, संत सेना नाभिक दुकानदार संघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.