सोलापुरातील सर्व दवाखान्यात होणार रुग्णांवर उपचार

सोलापूर - शहरातील सर्व रुग्णालयांनी रुग्णांची कोणत्याही प्रकारची अडवणूक न करता उपचार करावेत, असे आदेश महापालिकेचे आयुक्त दीपक तावरे यांनी आज दिले. 

मूळ बातमी वाचा - ... तर खासगी रुग्णालयांचे परवाने रद्द 

कोरोना प्रादुर्भावाच्या पार्श्वभूमीवर शहरातील काही डॅाक्टरांनी आपली रुग्णालये बंद ठेवली आहेत किंवा रुग्णांवर उपचार करण्यास नकार देत आहेत, अशा तक्रारी आल्याने आयुक्तांनी हे आदेश काढले आहेत. रुग्णालये बंद ठेवले किंवा उपचारास नकार दिल्याप्रकरणी शहरातील 28 रुग्णालयांना नोटीसाही बजावण्यात आल्या आहेत. कोरोनाची तपासणी केली असेल तरच उपचार करण्यात येतील अशी भूमिका अनेक रुग्णालयात घेतली जात असल्याने रुग्णांना नाहक त्रास सोसावा लागत आहे. 

आयुक्तांनी काढलेले आदेश या प्रमाणे
- महापालिका हद्दीतील सर्व इस्पितळांनी आपली सेवा शहरातील नागरिकांसाठी उपलब्ध करून द्यावी.
- इस्पितळातील एकूण खाटांची संख्या, भरलेल्या खाटांची संख्या, रिक्त खाटांची संख्या दर्शनी भागात लावावी.
- सर्व इस्पितळांनी त्यांच्याकडे उपचार घेण्यास परवानगी असलेल्या सर्व सेवा रुग्णांना उपलब्ध करून द्याव्यात. 

- शहरातील सर्व जनरल प्रॅक्टिशनरनी आपले दवाखाने ओपीडीसाठी किमान तीन तास सुरु ठेवावेत 
-कंटेनमेंट झोनमधील दवाखान्यांची फिव्हर ओपीडी सुरु ठेवणे बंधनकारक आहे
- सर्व दवाखान्यांनी त्यांच्या भागातील सर्व रुग्णांना सेवा देणे बंधनकारक आहे. 

-