टपाल खात्याचा मोठा निर्णय : ज्येष्ठांसह दिव्यांगांना घरपोच रक्‍कम 

सोलापूर : कोरोना या विषाणूचा संसर्ग खंडीत करण्याच्या हेतूने गर्दी होऊ नये म्हणून देशभर लॉकडाउन जाहीर केला आहे. या कालावधीत ज्येष्ठ नागरिक व दिव्यांग व्यक्‍तींना बॅंकांमध्ये अथवा टपाल कार्यालयात येणे मुश्‍लिक आहे. त्यांना आता पोस्टमनद्वारे घरबसल्या पाच हजार रुपयांची रक्‍कम दिली जाणार आहे. 

हेही नक्‍की वाचा : चीनची आठमुठी भूमिका ! कोरोनावरील चर्चेस दिला नकार 

शहर-जिल्ह्यातील दिव्यांग व्यक्‍ती व ज्येष्ठ नागरिकांनी घरबसल्या पाच हजार रुपयांची रक्‍कम प्राप्त करुन घेण्यासाठी 0217- 2726513 या क्रमांकावर सकाळी 10 ते दुपारी 3 वाजेपर्यंत संपर्क करावा, असे आवाहन टपाल कार्यालयाकडून करण्यात आले आहे. कोणाच्याही आधाराविना घराबाहेर पडणे अशक्‍य असलेल्या दिव्यांग व ज्येष्ठ नागरिकांसाठी टपाल विभागाने ही सेवा देत सामाजिक बांधिलकी जोपासली आहे. त्यामुळे त्यांची चांगल सोय झाली असून त्यांना आता बॅंकेतून पैसे काढण्यासाठी घराबाहेर जाण्याची गरज भासणार नाही, असा विश्‍वास सोलापूर टपाल कार्यालयाचे मुख्य अधिक्षक एस. एस. शिरसी यांनी व्यक्‍त केला. 

हेही नक्‍की वाचा : कृपा पांडूरंगाची ! सोलापूर कोरोनापासून दूरच 

यांना मिळणार घरपोच पाच हजार रुपये 

• शहर-जिल्ह्यातील ज्येष्ठ नागरिक अथवा दिव्यांग व्यक्‍ती 
• टपाल विभागाशी संबंधित इंडिया पोस्ट पेमेंट बॅंकेत असावे खाते 
• कोणत्याही राष्ट्रीयीकृत बॅंकेतील खातेदारांना घरबसल्या सेवा 
• खात्यात रक्‍कम शिल्लक असावी : आधार व मोबाइल लिंक आवश्‍यक 

हेही नक्‍की वाचा : रेल्वे कर्मचाऱ्यांची सामाजिक बांधिलकी ! 260 कोटींची मदत 

खात्यावर रक्‍कम असल्यास मिळणार पाच हजार 
लॉकडाउनमुळे देशभर संचारबंदी लागू असल्याने टपाल खातेदारांना घराबाहेर पडणे मुश्‍किल झाले आहे. त्यामुळे सामाजिक बांधिलकी म्हणून ज्येष्ठ नागरिक, दिव्यांग खातेदारांना टपाल कार्यालयाच्या माध्यमातून घरपोच पाच हजार रुपये मिळणार आहेत. मात्र, त्यांच्या खात्यात शिल्लक रक्‍कम असायला हवी. 
- एस. एस. शिरसी, मुख्य अधीक्षक, टपाल, सोलापूर