अक्कलकोटमध्ये उसळली गर्दी; "या' गावांमध्येही लॉकडाउन करण्याबाबत प्रांताधिकाऱ्यांनी दिला जिल्हाधिकाऱ्यांना अहवाल

अक्कलकोट (सोलापूर) : शहरात गुरुवारी मध्यरात्री 12 वाजल्यापासून लॉकडाउन सुरू होणार आहे. दहा दिवस प्रशासनाकडून कठोरपणे लॉकडाउन केला जाणार असून, अत्यावश्‍यक सेवेमध्ये दूध, मेडिकल व खते, बी-बियाणे, रुग्णालये वगळता भाजीपाल्यासह सर्व व्यवहार बंद असणार आहेत, अशी माहिती तहसीलदार अंजली मरोड यांनी दिली. 

हेही वाचा : सोलापूरच्या जनतेने स्वत:हून लॉकडाउन पाळला तरच फायदा; अन्यथा..! कोण म्हणाले? वाचा 

दरम्यान, तालुक्‍यातील किणी, कुरनूर, मैंदर्गीसह ज्या गावांमध्ये बाधितांची संख्या जास्त आहे, त्या गावांमध्येसुद्धा लॉकडाउन लागू करण्याबाबत जिल्हाधिकारी यांच्याकडे अहवाल दिला असून, जर या गावांत लॉकडाउन जाहीर झाला नाही तर संपूर्ण गावांना प्रतिबंधित क्षेत्र जाहीर करून सर्व व्यवहार बंद ठेवले जातील, अशी माहिती प्रांताधिकारी ज्योती पाटील यांनी दिली. 

हेही वाचा : गट-तट आणि व्यक्तिकेंद्रित राजकारणाला अजिबात थारा नाही, असे कोण म्हणाले? ते वाचा 

अक्कलकोट शहरात 6 जुलै ते 13 जुलै असा जनता कर्फ्यू पाळण्यात आला. आता तीन दिवसांनी लगेचच दहा दिवसांचा प्रशासनाचा लॉकडाउन सुरू होणार असल्याने व्यापारी व नागरिकांतून नाराजी व्यक्त केली जात आहे. दहा दिवस कडक लॉकडाउन असल्याने बुधवारी ग्रामीण भागासह अक्कलकोट शहरातील नागरिकांनी खरेदीसाठी बाजारपेठेत गर्दी केली होती. मुख्य बाजारपेठेसह बॅंका, खरेदी- विक्री कार्यालयांसह सर्वच दुकानांत ग्राहकांची गर्दी झाली होती. ग्रामीण भागातील काही लहान-मोठे व्यापारीही खरेदीसाठी आले होते. 

संपादन : श्रीनिवास दुध्याल