भाषणबाजीने कोरोना जाणार नाही तर एकजुटीचे प्रयत्न हवेत : पालकमंत्री दत्तात्रय भरणे

मोहोळ (सोलापूर) ः कोरोना संदर्भात थोडासा जरी गाफील पणा झाला तरी त्याची मोठी किंमत मोजावी लागेल, भाषणबाजी करून कोरोना जाणार नाही तर त्याला हरविण्यासाठी सर्वांचे एकजुटीचे प्रयत्न महत्त्वाचे आहेत, शासनाने हाती घेतलेली ही मोहीम अत्यंत स्तुत्य आहे, आपल्यामुळे इतरांना त्रास होणार नाही याची काळजी घ्या तपासणीसाठी येणाऱ्या पथकाला सहकार्य करा कोरोना संदर्भातली मोहोळ तालुक्‍याची परिस्थिती चांगली आहे असे प्रतिपादन जिल्ह्याचे पालकमंत्री दत्तात्रय भरणे यांनी केले. 

हेही वाचाः मोठी ब्रेकींग ! पोलिस ठाण्यातील दोन अधिकारी व एक पोलिस कर्मचारी निलंबित 

माझे कुटुंब माझी जबाबदारी या मोहोळ तालुक्‍याच्या मोहिमेचा शुभारंभ चिखली ता मोहोळ येथून पालकमंत्री भरणे यांच्या हस्ते करण्यात आला त्यावेळी ते बोलत होते. 

हेही वाचाः स्वच्छता उपकर रद्द करा नाहीतर इंद्र भवनला घेराव घालणार ; आडम मास्तरांचा इशारा 

यावेळी जिल्हाधिकारी मिलिंद शंभरकर, जिल्हा आरोग्य अधिकारी डॉ भीमाशंकर जमादार, आमदार यशवंत माने, जिल्हा परिषद सदस्य विक्रांत पाटील, गटविकास अधिकारी अजिंक्‍य येळे, तालुका वैद्यकीय अधिकारी डॉ अरुण पात्रुडकर, सरपंच इंदुमती वाघमोडे, उपसरपंच बापू शिरसाट, नायब तहसीलदार राजशेखर लिंबारे, श्रीमती लीना खरात, श्री कोळी मंडल निरीक्षक श्रीमती वाव्हळ, बिबीशन वागज,मोईन डोणगावकर, मनोज पुराणिक, तलाठी साहिल पठाण, ग्रामसेवक माधुरी वसेकर, महेंद्र नवले, दत्ता पवार, शामराव मते, आदीसह ग्रामस्थ मोठ्या संख्येने उपस्थित होते. प्रारंभी कोरोना संदर्भातील मार्गदर्शक फलकांचे पालकमंत्री भरणे यांच्या हस्ते अनावरण करण्यात आले. 
प्रास्ताविकात गटविकास अधिकारी अजिंक्‍य येळे यांनी मोहिमेचा उद्देश विषद करून तालुक्‍यातील कोरोना संदर्भातील सद्यस्थितीचा आढावा घेतला, तसेच मृत्यूदर कमी करण्याचा प्रयत्न असल्याचे सांगितले. यावेळी आमदार माने यांनी मनोगत व्यक्त केले. यावेळी चिखली येथील शामराव मते यांच्या कुटुंबातील सदस्यांची तपासणी करण्यात आली. त्यावेळी पालकमंत्री भरणे यांनी आरोग्य पथकाला मार्गदर्शक सूचना दिल्या. सूत्रसंचालन महेश कोटीवाले यांनी केले.  
 

संपादन ः प्रकाश सनपूरकर