वेतनाच्या मागणीसाठी जिल्ह्यातील गटसचिव संघटनेने दिला असहकार आंदोलनाचा इशारा 

सोलापूरः जिल्ह्यातील सर्वसामान्य शेतकऱ्याची वरदायीनी आसनाऱ्या सोलापूर जिल्हा मध्यवर्ती बॅंकेतील सचिवांना कोरोना महामारीच्या संकटात एप्रील 2020 पासुन बॅकेंच्या प्रशासनाने जिल्ह्यामधील गटसचिवांचे पगार निधी अद्याप न दिल्यामुळे जिल्ह्यातील गटसचिवावर उपासमारीची वेळ आलेली आहे. मंगळवारी (ता.14) पासुन वेतनाच्या मागणीसाठी असहकार आंदोलन करण्याचा इशारा सोलापूर जिल्हा गटसचिव संघटनेने दिला आहे. . 

हेही वाचाः करमाळ्यात लॉकडाउन करण्यावरून सोशल मिडियात मतमतांतरे 

संघटनेने जिल्हा मध्यवर्ती बॅंकेच्या प्रशासकाना दिलेल्या निवेदनात म्हटले आहे. सहकारी कृषी पतसंस्थेचे बळकटीकरण करण्यासाठी केंद्र शासनाने नियुक्त केलेल्या वैद्यनाथन समितीच्या अहवालाच्या अनुशंगाने राज्य शासनाने, केंद्र शासन नाबार्ड या त्रिस्तरीय समितीचे अहवालानुसार दिनांक 13/11/2006 रोजी सामंजस्य करार झाला. शासनाचे दिनांक 6 डिसेंबर 2010 चे पत्रानुसार गटसचिवांचे वार्षिक पगाराची दरमहा होणारी रक्कम जिल्हा देखरेख संस्थेच्या खात्यामध्ये दरमहा 10 तारखेस जमा करावी व ती रक्कम संबंधीत सोसायटीचे नांवे टाकणेत यावी असे नमुद केले आहे. 

हेही वाचाः आमदार प्रशांत परिचारक शुक्रवारपासून लोकांना भेटणार 

आजपर्यत बॅंकेच्या आर्थिक प्रगतीमध्ये गटसचिवांचा महत्वाचा वाटा आहे. परंतु जिल्हा बॅंक प्रशासनाने एप्रिल पासून जिल्हा मधील गटसचिवांचे पगार निधी जमा केलेला नाही . 
याबाबत जिल्हा संघटनेने बॅंकेकडे वारंवार मागणी करुन ही पगार वर्गणीची रक्कम बॅंक प्रशासन देत नाही. यामुळे जिल्हामधील गटसचिवावर उपासमारीची वेळ आलेली आहे.वास्तवीक पगार वर्गणीची रक्कम ही सोसायटीकडून जाणार आहे. त्याचा बॅकेचे आर्थिक नुकसानीशी कसलाही संबंध येत नाही. तरी पण पगार वर्गणी देणे कामी बॅंकेकडून आडमुठे धोरण राबिवले जात आहे. 
ज्या ज्या वेळी संघटनेचे प्रतिनिधी या प्रश्नाविषयी प्रशासकाना भेटले त्या त्या वेळी मी तुमचा प्रश्न सोडवितो हेच उत्तर दिले आहे. त्यामुळे गटसचिवांचे पगारातून जाणारा विमा कपात, पतसंस्था कपात, प्रा.फंड इ. कपात वेळेवर होत नसल्यामुळे आर्थिक नुकसान होत आहे. वास्तवीक पहाता शासनाचे निर्णयानुसार कर्जमाफी योजने मधून थक पगार वर्गणी देणेबाबतआदेश दिलेला आहे. त्यानुसार साध्या जिल्ह्यामधील सोसायटीमधून पगार वर्गणी रक्कम 19 कोटी येणे आहे. छत्रपती शिवाजी महाराज कर्ज माफी योजना व महात्मा फुले कृषी कर्ज माफी योजना यामधून जिल्हा बॅंकेत 750 ते 800 कोटी इतका वसूल आलेला आहे. त्यामधून गटसचिवांचे पगाराबाबतीत दुजाभाव केला जात आहे. पगाराच्या समस्या सोडविने कामी कायदेशीर आदेश असतानाही बॅंकेने आमच्या पगारासंदर्भात एप्रिल 2020 पासून वसुलीचे निमित्त पुढे करुन पगार वर्गणी देणे कामी टाळाटाळ करुन आयुक्ता कडुन कलम 69 ख प्रमाणे सेवा वेतन कायदा त्या आदेशाची पायमल्ली केली आहे. वेतनाच्या मागणीसाठी सोमवार (ता. 14) पासून असहकार आंदोलन केले जाईल. 
आंदोलन करुनही पगाराबाबत सकारात्मक तोडगा न निघाल्यास मोर्चे व उपोषणे केली जातील. या निवेदनावर जिल्हा सचिव संघटनेचे अध्यक्ष मोहन देशमुख, उपाध्यक्ष पंडीत दिवसे, प्रांतीक सदस्य पांडूरंग व्यवहारे, सचिव प्रभाकर घुले,नारायण गुंड (मोहोळ तालुका), महादेव घाडगे(माढा तालुका), दत्तप्रसाद पाटील (बार्शी तालुका), द . सोलापूरचे सोमशंकर करजोळे(द.सोलापूर), गणेश पावले आदीसह जिल्हयातील सदस्याच्या स्वाक्षऱ्या आहेत.  
 

संपादनः प्रकाश सनपूरकर