"मला होमक्वारंटाईन करण्यामागे राजकीय षडयंत्र' 

नातेपुते (जि. सोलापूर) ः मला होमक्वारंटाईन करायला लावण्यामागे मागे राजकीय षडयंत्र आहे. जाणीवपूर्वक पूर्वग्रहदूषित केलेली ही कारवाई आहे, असा आरोप सध्या होमक्वारंटाईन असलेले माळशिरसचे आमदार राम सातपुते यांनी केला आहे. 

हेही वाचा ः पंढरपुरातील ९० हजार जणांची तपासणी

माळशिरसचे आमदार राम सातपुते यांना होमक्वारंटाईन करा, अशी मागणी राष्ट्रवादीचे सरचिटणीस किरण साठे यांनी प्रांताधिकारी यांच्याकडे केली होती. 
त्यांच्या मागणीनुसार प्रांताधिकारी शमा पवार यांनी माळशिरसचे माळशिरस नगरपंचायतीचे मुख्याधिकारी यांना आमदार सातपुते यांना होमक्वारंटाईन करण्याचे लेखी आदेश काढले होते. 

हेही वाचा ः सहा हजार विद्याथ्यार्ंची भरली आॅनलाईन शाळा

याविषयी आमदार राम सातपुते यांना संपर्क केला असता ते म्हणाले, ""मी कायदा मानणारा व पाळणारा कार्यकर्ता आहे. माझे प्रशासनास पूर्ण सहकार्य आहे. पत्र मिळाल्यापासून मी स्वतः होमक्वारंटाईन झालो आहे. मात्र, मला होमक्वारंटाईन करायला लावण्यामागे मागे राजकीय षडयंत्र आहे. जाणीवपूर्वक पूर्वग्रहदूषित केलेली ही कारवाई आहे, याची मला खात्री आहे. प्रशासकीय अधिकाऱ्यांनी राजकारणी लोकांचे बाहुले होऊ नये. माझा होमक्वारंटाईन कालावधी झाल्यानंतर सर्व नियम पाळून मी पुन्हा जनतेच्या सेवेसाठी हजर होणार आहे. मी स्वतःला जनतेचा कार्यकर्ता समजतो.''  महाराष्ट्र

काम करणारा आमदार नको म्हणून तक्रार
याविषयी भाजपचे ज्येष्ठ नेते के. के. पाटील म्हणाले, ""आमदार राम सातपुते हे क्रियाशील आमदार आहेत. तालुक्‍यातील अनेकांना काम करणारा आमदार नको आहे. म्हणून अशी तक्रार झाला असावी.''