सोलापूर : बीड, नगरमार्गे सोलापूर जिल्ह्यातील करमाळा तालुक्यात आलेल्या नरभक्षक बिबट्याने तिघांचा जीव घेतला. नरभक्षक बिबट्याला ठार करण्यासाठी मुख्य प्रधान वनसंरक्षकांनी गोळ्या घालून ठार करण्यास परवानगी दिली. त्यानंतर शंभरहून अधिक बंदुकधारी कर्मचारी बिबट्याच्या मागावर होते. आज (शुक्रवारी) सायंकाळी सहा ते सव्वासहाच्या सुमारास वांगी क्र. चार येथील राखुंडे यांच्या केळीच्या बागेत थांबलेल्या बिबट्याला गोळ्या घालून ठार केले. पांडूरंग राखुंडे यांच्या केळीच्या बागेत बिबट्या थांबला होता.
ठळक बाबी...
नरभक्षक बिबट्यामुळे करमाळा, माढा तालुक्यात दहशतीचे वातावरण होते. नागरिकांना घराबाहेर पडणे मुश्किल झाले होते. बिबट्याला ठार मारण्याच्या दृष्टीने आमदार संजय शिंदे, माजी आमदार नारायण पाटील यांनीही बिबट्याला पकडण्यासाठी व ठार करण्यासाठी शासन दरबारी सातत्याने पाठपुरावा केला होता. पालकमंत्री दत्तात्रय भरणे यांनीही अधिकाऱ्यांना सूचना केल्या होत्या. आज नरभक्षक बिबट्याला ठार करण्यात यश मिळाले.
मृत बिबट्याचे सोलापुरात शवविच्छेदन
वन विभागाचे उपवनसंरक्षक धैर्यशिल पाटील यांनी मृत बिबट्याला ताब्यात घेतले आहे. करमाळ्यातील वांगी क्र. चार येथे त्याला गोळ्या घालून ठार मारले. ही बातमी वाऱ्यासारखी पसरली असून त्याठिकाणी मृत बिबट्याला पाहण्यासाठी मोठी गर्दी जमा झाली आहे. त्यामुळे वन विभागाचे कर्मचारी बिबट्याला घेऊन सोलापुरकडे रवाना झाले आहेत. सोलापुरात बिबट्याचे शवविच्छेदन होईल, अशी माहिती श्री. पाटील यांनी सकाळशी बोलताना दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
