अक्कलकोट(सोलापूर): अक्कलकोट शहरात ठरल्याप्रमाणे सोमवार(ता.8) पासून बंद असलेली दुकाने सम व विषम तारखांनुसार सुरू करण्यात येणार आहेत. दररोज सकाळी सात ते दोन या वेळेत ही दुकाने सुरू राहतील, अशी माहिती मुख्याधिकारी आशा राऊत यांनी दिली आहे.
हेही वाचाः फेसबुकवर होणार ज्ञानेश्वरीची निरूपणे
मात्र यात दारू दुकाने, हॉटेल, मॉल व खानावळ, पान व तंबाखू टपऱ्या, ज्यूस सेंटर, व्यायामशाळा आदी बंदच राहणार आहे.
आता यातील काही दुकाने सोमवारी (ता. 8) सम, तर मंगळवारी (ता. 9) विषम तारखेनुसार सुरू राहणार आहेत. सोमवारी शिवाजीनगर तांडा स्टेशन रोड ते मंगरुळे बायपास चौक, ए-वन चौक, विठ्ठल मंदिर, जुना तहसील, फत्तेसिंह चौक, मेन रोड, सेंट्रल चौक, सराफ बाजार, कापड बाजार, कारंजा चौक, एखंडे घर, बसस्थानकमार्गे एमएसईबी चौक असे जाताना उजव्या बाजूला असलेली लक्ष्मी स्टील, फूड झोन, बालाजी बेकरी, ए-वन चौक गाळे, गणेश झेरॉक्स, भास्कर डेअरी, कापसे मेडिकल, डॉ. मेहता दवाखाना, निनाद शहा ज्वेलर्स, प्रकाश उण्णद, बालाजी कापड दुकान, घिवारे ब्रदर्स याप्रमाणे या बाजूस असणारी दुकाने सुरू राहतील.
मंगळवारी याच रस्त्यावरील त्यांच्यासमोरच्या (विरुद्ध) बाजूस असणारी सर्व दुकाने उघडी राहणार आहेत. पुढे एकदिवसाआड यानुसार ही प्रक्रिया 15 जूनपर्यंत राहणार आहे. दर रविवारी स्वयंस्फूर्तीने सर्व व्यवहार बंद ठेवले जाणार आहेत. 15 तारखेनंतर ही दुकाने सकाळी सात ते पाच अशी त्याच पद्धतीने उघडली जाणार आहेत. असेच शहरभर नियोजन करण्यात आले आहे. आता व्यापारी आणि नगरपरिषद यांनी समन्वय साधत कोणत्याही दुकानासमोर दुचाकी वा तत्सम वाहने थांबणार नाहीत व अनावश्यक गर्दी होणार नाही. तसेच कोणताही व्यापारी नियमभंग करणार नाही याची काळजी घ्यावी. अनावश्यक गर्दी करण्याचा व नियमभंग करण्याचा पूर्वीचा अनुभव पाहता कोरोना काळातील नागरिकांची वाट मात्र बिकट राहणार आहे.
दुकाने सुरू करताना घ्यावयाची काळजी
दुकाने फक्त सम- विषमप्रमाणेच उघडतील
प्रत्येकाने मास्क, सॅनिटायझर व हॅंडग्लोव्हजचा वापर बंधनकारक
दुकाने फक्त 7 ते 2 यावेळेतच उघडतील याची पाहणी
सर्व दुकाने रविवारी बंद
जास्तीत जास्त कॅशलेस व्यवहारावर भर
कोरोना प्रतिबंध होण्यासाठीचे शासनाचे सर्व नियमांचे पालन
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.