वळसे-पाटलांचे देवदर्शन अन्‌ कार्यकर्त्यांसोबत बैठक 

walse patil photo
walse patil photo

सोलापूर : सोलापूरचे पालकमंत्री तथा राज्याचे कामगार मंत्री दिलीप वळसे-पाटील उद्या (शुक्रवारपासून) सोलापूर जिल्ह्याच्या दौऱ्यावर येत आहेत. पालकमंत्रीपदी नियुक्ती झाल्यानंतर वळसे-पाटील यांचा पहिलाच सोलापूर दौरा होत आहे. शुक्रवारी रात्री अकरा वाजता पंढरपूर येथे त्यांचे आगमन होणार असून उद्याचा मुक्काम पंढरपुरात करून शनिवारी विठ्ठल-रुक्‍मिणीचे दर्शन घेऊन ते सोलापूरकडे येणार आहेत. 
हेही वाचा - शेतकऱ्यांनी निवडले बारा बाजार समितीचे संचालक 
शनिवारी दुपारी 1 वाजता सोलापूर शासकीय विश्रामगृहात सोलापूर जिल्हा ग्रामीण राष्ट्रवादीच्या पदाधिकारी व कार्यकर्त्यांसोबत बैठक घेणार आहेत. दुपारी चार ते सहा या वेळेत शहर राष्ट्रवादीच्या कार्यकर्त्यांसोबत राष्ट्रवादी भवनात बैठक घेणार आहेत. सायंकाळी साडेसात वाजता वडाळा येथे ते जाणार आहेत. जिल्हाध्यक्ष बळीरामकाका साठे यांच्या निवासस्थानी ते जाणार आहेत. शनिवारी सोलापुरात मुक्काम करून रविवारी प्रजासत्ताक दिनाच्या शासकीय कार्यक्रमास ते उपस्थित राहणार आहेत. 
हेही वाचा - सर्वसामान्यांची सरपंच होण्याची संधी हुकणार 
त्यानंतर ग्रामदैवत सिद्धेश्वर महाराजांचे दर्शन घेऊन सकाळी 11 वाजता शिवभोजन योजनेचे उद्‌घाटन ते करणार आहेत. दुपारी बारा वाजता शहराध्यक्ष भारत जाधव यांच्या निवासस्थानी ते भेट देणार आहेत. दुपारी दोन वाजता सातरस्ता येथील नियोजन भवनात जिल्हा नियोजन समितीची ते बैठक घेणार आहेत. त्यानंतर घरकुल निर्माण समितीची बैठक घेणार आहेत. सहा वाजता मोटारीने अक्कलकोटकडे रवाना होणार आहेत. अक्कलकोटवरून सोलापूरला येऊन सिद्धेश्वर एक्‍स्प्रेसने ते मुंबईला रवाना होणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com