सहस्त्रार्जून नागरी पतपेढीच्या अध्यक्षपदी संजीव रंगरेज यांची निवड़ 

सोलापूरः येथील सहस्त्रार्जून नागरी सहकारी पतपेढीच्या चेअरमनपदी संजीव वसंतसा रंगरेज तर उपाध्यक्षपदी किशोर नारायणसा बसुदे यांची निवड करण्यात आली आहे. 

हेही वाचाः शाळा सोडलेला मुलगा झाला मेजर दुसरा मॅनेजर, शिक्षिका वैशाली डोंबाळे यांनी दिला मदतीचा हात 

येथील सहस्त्रार्जून नागरी सहकारी पतपेढीच्या संचालक मंडळाची सभा मावळते अध्यक्ष विश्‍वनाथ निरंजन यांच्या अध्यक्षतेखाली झाली. यावेळी चेअरमन पदासाठी संजीव रंगरेज यांचे ननाव चंदन चव्हाण यांनी सुचवले. त्यास गिरीश कोल्हापूरे यांनी अनुमोदन दिले. त्यांची निवड बिनविरोध झाली. तसेच व्हाईस चेअरमनपदी किशोर बसुदे यांच्या निवडीकरीता रंगानात बंकापूर यांनी नाव सुचवले. त्यास पद्मा विनायक विठ्ठल यांनी अनुमोदन दिले. 

हेही वाचाः पावसाने नुकसान झाल्यानंतर आवकी कमी झाल्याने झेंडूचे दर वाढले 

या सभेसाठी संस्थेचे संचालक विट्ठल मंदिर ट्रस्टचे अध्यक्ष गणपतसा मिरजकर, सचिव अनिल रंगरेज, सो.स.क्षत्रिय समाजसेवा मंडळाचे उपाध्यक्ष किशोर पवार आदी उपस्थित होते. यावेळी नवनिर्वाचीत पदाधिकाऱ्यांचा सत्कार करण्यात आला. यावेळी विठ्ठल मंदिर ट्रस्टचे अध्यक्ष गणपतसा मिरजकर व सेवा मंडळाचे सहसचिव महेश मेंगजी यांनी शुभेच्छा देणारी मनोगते व्यक्त केली. सुत्रसंचालन रंगनाथसा बंकापूर तर संचालक चंदन चव्हाण यांनी आभार मानले.