इच्छुकांचे स्वप्न भंगले ! मंगळवेढा 79 ग्रामपंचायतींपैकी 48 जागांवर सर्वसाधारण गटाचा सरपंच 

मंगळवेढा (सोलापूर) : तालुक्‍यातील 79 ग्रामपंचायतीच्या सरपंच पदाची आरक्षण सोडत तहसील कार्यालयाच्या सभागृहात तहसीलदार स्वप्नील रावडे यांच्या अध्यक्षतेखाली काढण्यात आली. त्यामध्ये 10 जागा मागासवर्गीयांसाठी, 21 जागा इतर मागास वर्गासाठी तर 48 जागा या सर्वसाधारणसाठी राखीव झाल्या. मनासारखे आरक्षण न झाल्याने काहींनी सोडतीतून माघारी जाणे पसंत केले. 

या वेळी झालेल्या सोडतीत मागील 23 ग्रामपंचायतींचे आरक्षण राखीव नसल्यामुळे त्यातील 10 ग्रामपंचायतीत अनुसूचित जाती राखीव ठेवण्यात आल्या. तर नव्याने झालेल्या चोखामेळा नगर, दामाजी नगर या ग्रामपंचायतीचे आरक्षण इतर मागासवर्गीयांसाठी राखीव झाले तर 21 ओबीसी आरक्षणामधील 11 जागा चिठ्ठीद्वारे निश्‍चित झाल्या. उर्वरित 48 जागांमधील 18 जागा महिलांसाठी केल्या तर 6 जागा चिठ्ठीद्वारे निश्‍चित केल्या. तालुक्‍यातील लक्षवेधक झालेल्या बोरोळे, नंदेश्वर ,सिद्धापूर महिला राखीव तर भोसे ओबीसी, सलगर बु., हुलजंती सर्वसाधारणसाठी राहिले. या वेळी तहसीलदार स्वप्नील रावडे, निवासी नायब तहसीलदार सुधाकर मागाडे, महसूल नायब तहसीदार साळुंके, निवडणूक शाखेचे उमाकांत मोरे, महावीर माळी, इलियास चौधरी आदी उपस्थित होते.

गाव आरक्षण पुढीलप्रमाणे... 

• अनुसूचित जाती स्त्री : बठाण, घरनिकी, चिक्कलगी, तामदर्डी, हाजापूर 
• अनुसूचित जाती पुरुष : कागष्ट, डिकसळ, शिरसी, मुंढेवाढी, गणेशवाडी 
• ओबीसी पुरुष : चोखोमेळा नगर, दामाजी नगर, बावची, निंबोणी, भालेवाडी, येड्राव, येळगी, रहाटेवाडी, लक्ष्मी दहीवडी, शेलेवाडी 
• ओबीसी स्त्री : खवे, खोमनाळ, खुपसंगी, पौट, पडोळकरवाडी, जालीहाळ - सिद्धनकेरी, डोंगरगाव, धर्मगाव, गोणेवाडी, भोसे, नंदूर 
• सर्वसाधारण महिला : लमाणतांडा, मल्लेवाडी, माचणूर, कचरेवाडी, नंदेश्वर, रेवेवाडी, गुंजेगाव, उचेठाण, ढवळस, रड्डे, सलगर खु, लवंगी, माळेवाडी, हिवरगाव, ब्रह्मपुरी, सोड्डी, फटेवाडी, अकोला. 
• तर बोराळे, महमदाबाद हु, सिद्धापूर, शिरनांदगी, तळसंगी, जित्ती या गावांचे आरक्षण चिठ्ठीवर निश्‍चित करण्यात आले. 
• सर्वसाधारण : आसबेवाडी, मरवडे, लेंडवे चिंचाळे, तांडोर, मुढवी, महमदाबाद शे., डोणज, अरळी, कर्जाळ- कात्राळ, हुलजंती, सलगर बु, पाठखळ - मेटकरवाडी, खडकी, भाळवणी, आंधळगाव, देगाव, मानेवाडी, मारोळी, लोणार, हुन्नूर, जंगलगी, शिवनगी, मारापूर, जुनोनी. 

संपादन : श्रीनिवास दुध्याल