करोना भीतीच्या सावटात "ते' कमवू लागले पैसे 

poultry
poultry
Updated on

सोलापूर : करोनामुळे सध्या समाजात सर्वत्र भीतीचे वातावरण पसरले आहे. बचावासाठी अनेक खबरदारी घेतली जात आहे. चिकनमुळे करोना होत असल्याचा मेसेज सोशल मिडियावर फिरला आणि बघता बघता कुक्कटपालनाचा व्यवसाय आर्थिक संकटात आला. दहा रुपये आणि वीस रुपयांनी पोल्ट्रीचालक कोंबडी विकत असले तरीही सर्वसामान्यांना मात्र आजही 160 ते 180 रुपये किलो दरानेच चिकन मिळत आहे. करोनाच्या भितीमध्ये कोंबड्या पुरवठादारांची (सप्लायर्स, ट्रेडर्स) चांदी होत असल्याचे समोर आले आहे. 
हेही वाचा - श्री विठ्ठल दर्शन काही दिवस बंद? 
करोनाची भीती दाखवून पोल्ट्री चालकांकडून कमीत कमी दरात जिवंत कोंबड्या खरेदी करायच्या आणि चिकन विक्रेत्यांना 60 ते 80 रुपये दराने विक्री करायचा व्यवसाय सध्या तेजीत आहे. चिकन विक्रेते देखील पूर्वीपेक्षा पाच ते दहा रुपये कमी दराने चिकनची विक्री करू लागले आहेत. पोल्ट्री चालकांना करोनाची भीती दाखवून कमी दरातील कोंबडी खरेदीने दलाल मधल्या मध्ये मालामाल होत असल्याचे समोर आले आहे. करोनामुळे चिकनचे दर पडले या फक्त चर्चाच ठरत आहेत. चिकनच्या पदार्थांचे दर आजही पूर्वीप्रमाणेच कायम आहेत. 
हेही वाचा - बायोमेट्रीक हजेरी बंद! विद्यापीठ अनुदान आयोगाचे पत्र 
मटनाचा भाव वाढला 
करोना येण्यापूर्वीपासूनच मटणाच्या दराने पाचशे रुपयांचा दर पार केला होता. आता करोनाची भीती वाढू लागल्याने मांसाहारी खवय्ये चिकन पेक्षा मटनाला अधिक प्राधान्य देत आहेत. सध्या मटणाचे दर पावणे सहाशे ते सहाशे रुपयांवर पोहोचले आहे. धुलवडीची कर साजरी करण्यासाठी मांसाहारी खवय्यांनी मटनाला अधिक प्राधान्य दिले होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com