सोलापूर : सोलापुरातील होडगी रोड येथील विमानतळावरुन विमानसेवा सुरळीत करावी, अडथळ्यांचा तिढा सोडवावा या मागणीसाठी संभाजी ब्रिगेडने शहराध्यक्ष श्याम कदम यांच्या नेतृत्वाखाली विमानांची यात्रेतील प्रतिकृती उडवून आज आंदोलन केले.
हेही आवश्य वाचा : बाळासाहेबांच्या स्मारकासाठी नगरसेवक देणार मानधन...कोणती महापालिका वाचा
सोलापुरातील होडगी रोड येथील विमानतळावरुन विमानसेवा रात्रंदिवस सुरु करावी, अशी उद्योगांसह सर्वच क्षेत्रातून होऊ लागली आहे. मात्र, विमानतळावर रात्रीचे उडाण होत नसल्याने त्यांची गैरसोय होत आहे. विमानसेवा सुरळीत न झाल्याने चित्रपट अभिनेते, कलाकार, व्यापारी व उद्योजक, शासकीय व निमशासकीय अधिकाऱ्यांसह राजकीय नेतेमंडळींनी सोलापुकडे पाठ फिरवली आहे. तसेच सोलापुरातील उत्पादित टेरी टॉवेल व अन्य उद्योजकांचा देश-विदेशातील बाजारपेठेशी संपर्क वाढला असतानाही विमानसेवेचा तिढा सुटलेला नाही. केंद्र शासनाने सोलापूर शहर स्मार्ट सिटी म्हणून घोषित केले असून सोलापुरात पंचतारांकित हॉटेलही सुरु झाले आहे. उद्योग वाढीला सोलापुरात मोठी संधी असून विमानसेवा असणे अत्यावश्यक आहे. मात्र, राजकीय इच्छाशक्तीचा अभाव अन् अधिकाऱ्यांचा काणाडोळा यामुळे अद्याप विमानसेवा सुरळीत झालेली नाही.
हेही आवश्य वाचा : सोलापुरात माजी आमदार पुत्राविरुध्द गुन्हा
हे होतील फायदा
विमानसेवा सुरळीत झाल्यास उद्योगधंदे वाढतील, परदेशी पर्यटकांत वाढ होईल, त्यातून व्यवसायाला फायदा होईल, या हेतूने सोलापुरातील विमानसेवा सुरळीत करावी, अशी मागणी यावेळी करण्यात आली. महापालिका व जिल्हा प्रशासन, महाराष्ट्र विमानतळ विकास प्राधिकरणाने लक्ष घालून विमानसेवा तत्काळ सुरु करावी, अन्यथा तीव्र आंदोलन करण्यात येईल, असा इशाराही या वेळी आंदोलनकर्त्यांनी दिला. याप्रसंगी संभाजी ब्रिगेडचे कार्याध्यक्ष अरविंद शेळके, उपाध्यक्ष सिताराम बाबर, उपाध्यक्ष श्रीमंत पात्रे, उपाध्यक्ष अशितोष माने आदी उपस्थित होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.