सोलापूर जिल्हा शिक्षक पतसंस्थेतर्फे 10 टक्के लाभांश

सोलापूर : सोलापूर जिल्हा प्राथमिक शिक्षक सहकारी पतसंस्थेच्यावतीने सभासदांना 2019-20 या वर्षासाठी 10 टक्के लांभाश देण्याचा निर्णय घेण्यात आला आहे. भाग लाभांशाची रक्कम भारतीय स्टेट बॅंकेतील सभासदांच्या पगारी खात्यावर जमा करण्यात येणार असल्याची माहिती संस्थेचे अध्यक्ष उत्तमराव जमदाडे यांनी दिली आहे. 

संस्थेच्या सभागृहात आज मासिक सभा झाली. या सभेत हा निर्णय झाला. यावेळी व्यवस्थापक समिती सदस्य वीरभद्र यादवाड, मच्छिंद्रनाथ मोरे, शिवानंद भरले, आप्पासाहेब देशमुख, दादाराजे देशमुख, संजय चेळेकर, केशवराव घोडके, विठ्ठल काळे, महादेव जठार, बाळासाहेब गोरे, आबासाहेब जाधवर, बब्रुवान काशीद, राम इंगळे, संभाजी फुले, सविता गाडे, मीनाक्षी बाबर, एजाज शेख, राजाराम चव्हाण आदी संचालक तसेच संस्थेचे चिटणीस उमाकांत घाडगे व हिशोबनीस सुधीर भोसले आदींची उपस्थिती होती.