दुहेरीकरणाच्या कामासाठी हुतात्मा एक्सप्रेस 31 मार्चपर्यंत रद्द; भाळवणी-भिगवण सेक्शन दरम्यान होणार काम

सोलापूर : रेल्वे प्रशासनाकडून भाळवणी- भिगवन सेक्शनमध्ये नॉन इंटरलॉकिंगच्या कामासाठी ब्लॉक घेण्यात येणार आहे. यासाठी सोलापूर रेल्वे स्थानकावरून धावणारे सोलापूर पुणे सोलापूर हुतात्मा एक्सप्रेस 31 मार्चपर्यंत रद्द करण्यात आली आहे.

 ताज्या बातम्यांसाठी डाऊनलोड करा ई-सकाळचे ऍप 

सध्या सोलापूर विभागात रेल्वेच्या दुहेरीकरणाच्या कामाला गती देण्यात येत आहे. एक मार्च रोजी मोठा गाजावाजा करत हुतात्मा एक्सप्रेस सोलापूर रेल्वे स्थानकावरून सुरू करण्यात आली. मात्र दहा दिवसातच या गाडीला 31 मार्च पर्यंत ब्लॉक घेण्यात येणार असल्याने पुन्हा सोलापूरकरांची निराशा झाली आहे. त्यामुळे पुन्हा एकदा सोलापूरकरांना पुण्याकडे जाण्यासाठी खासगी वाहनांचा आधार घ्यावा लागणार आहे. मध्य रेल्वेच्या सोलापूर विभागाकडून नॉन इंटरलॉकिंगचे काम होणार आहे. यामुळे साहजिकच रेल्वेकडून 20 दिवसांसाठी ब्लॉक घेण्यात येणार आहे.

कोरोनाला रोखण्यासाठी 'या' पाच गोष्टी गरजेच्या ! कॉन्टॅक्‍ट ट्रेसिंगच्या ढिलाईमुळेच वाढतोय कोरोना

सोलापूर विभागामध्ये भाळवणी ते भिगवण सेक्शन दरम्यान दुहेरीकरणाच्या आणि विद्युतीकरणाच्या कामासाठी 12 मार्च ते 31 मार्च दरम्यान ब्लॉक घेण्यात आला आहे. यासाठी सोलापूर रेल्वे स्थानकावरून धावणारी गाडी क्रमांक 01158 हुतात्मा-पुणे विशेष एक्सप्रेससह तीन गाड्या रद्द करण्यात आल्या असल्याची माहिती वरिष्ठ विभागीय वाणिज्य व्यवस्थापक प्रदीप हिरडे यांनी दिली.

मुख्यमंत्री शिवसेनेचा पण रुबाब राष्ट्रवादीचाच ! शिवसेना व युवासेनाप्रमुखांना मिळेना वेळ; पदाधिकाऱ्यांना येईना सत्तेचा फिल 

दरम्यान गाडी क्रमांक 07613 पनवेल-नांदेड ही गाडी 15 मार्च ते 1 एप्रिल 2019 पर्यंत रद्द करण्यात आली आहे. तर गाडी क्रमांक 08519 विशाखापट्टणम- लोकमान्य टिळक टर्मिनस विशेष एक्स्प्रेस ही गाडी 12 मार्च ते 30 मार्च 2021 पर्यंत रद्द करण्यात आली असल्याची माहिती रेल्वे प्रशासनाने दिली आहे. तरी रेल्वे प्रवाशांनी रेल्वे गाड्या रद्द झाल्याची खात्री करूनच प्रवास करावा असे आवाहन रेल्वे प्रशासनाने केले आहे.

सोलापूर भागात विद्युतीकरण आणि शहरीकरणाच्या कामासाठी 12 मार्चपासून ब्लॉक घेण्यात येणार आहे. त्यासाठी हुतात्मा एक्सप्रेससह इतर गाड्या देखील रद्द करण्यात आले आहेत. 
- प्रदीप हिरडे, वरिष्ठ विभागीय वाणिज्य व्यवस्थापक, सोलापूर