दसरा-दिवाळीत म्हैसूर, वाराणसी, हुबळी, यशवंतपूर व सिकंदराबादसाठी विशेष रेल्वे 

सोलापूरः आगामी काळातील सण व उत्सवानिमित्त विशेष एक्‍स्प्रेस गाड्या सोडण्याचा निर्णय रेल्वे खात्याने घेतला आहे. मध्य रेल्वेच्या वतीने या विशेष गाड्यांची घोषणा केली आहे. 

हेही वाचाः सोलापूर शहरात 312 चाचण्यांमध्ये आढळले 28 कोरोना बाधित 

कोविड-19 साथीच्या आजारामुळे देशाभरात यात्री सेवा बंद करण्यात आली आहे. यानंतर विशेष यात्री एक्‍सप्रेस गाड्या देशभरात धावू लागल्या आहेत. रेल्वेची परिस्थिती पुर्वपदावर येत आहे. रेल्वे प्रशासन सण व उत्सवानिमित्त विशेष एक्‍सप्रेस गाड्या चालविण्याचा निर्णय घेतला आहे. त्या विशेष गाड्यांची माहिती खालील प्रमाणे आहे. 
ता.20. ते ता. 26 च्या दरम्यान म्हैसूर ते वाराणसी (गाडी क्रमांक 062229) विशेष एक्‍सप्रेस धावणार आहे तसेच ता.22 ते ता.28 दरम्यान वाराणसी-म्हैसूर विशेष एक्‍सप्रेस धावणार आहे . सदर गाडी म्हैसूर-वाराणसी-म्हैसूर एक्‍सप्रेसच्या वेळेवर धावेल आणि स्थानकावरील थांबे त्याच प्रमाणे असतील. सदर गाडी या कालावधीत आठवड्यातून दोन दिवस धावेल. 

हेही वाचाः सोलापूर जिल्ह्यात महावितरणची वीजबिलांची थकबाकी पोचली 5663 कोटीवर 

ता.27 ते ता. 01 नोव्हेंबर दरम्यान अहमदाबाद ते यशवंतपूर विशेष एक्‍सप्रेस (गाडी क्र.06501) धावणार आहे आणि ता.25 ते ता. 29 नोव्हेंबर यशवंतपूर-अहमदाबाद विशेष एक्‍सप्रेस धावेल. सदर गाडी पुर्वीच्या अहमदाबाद-यंशवतपूर-अहमदाबाद एक्‍सप्रेसच्या वेळापत्रकानुसार धावेल. सदर गाडी आठवड्यातून एक दिवस धावेल. 
ता. 20 ते ता. 30 नोव्हेंबर दरम्यान हुबळी ते सिकंदराबाद विशेष एक्‍सप्रेस (गाडी क्र.07319) धावेल. तसेच ता.21 ते ता.1 डिसेंबर दरम्यान सिकंदराबाद -हुबळी विशेष एक्‍सप्रेस धावणार आहे पुर्वीच्या हुबळी-सिकंदराबाद-हुबळी एक्‍सप्रेसच्या वेळापत्रकानुसार असेल. ही गाडी या कालावधीत दररोज धावेल. 
ता. 23 ते ता. 27 नोव्हेंबर दरम्यान हुबळी ते वाराणसी विशेष एक्‍सप्रेस धावणार आहे आणि ता. 25 ते ता. 29 नोव्हेंबर वाराणसी-हुबळी विशेष एक्‍सप्रेस धावणार आहे. ही गाडी हुबळी-वाराणसी-हुबळी एक्‍सप्रेसच्या वेळेत धावेल. ही गाडी आठवड्यातून एक दिवस धावेल. 
या गाड्यांमध्ये कोणताही अनारक्षित कोच राहणार नाही. सामान्य द्वितीय श्रेणी (जीएस) डब्यातही बसण्यासाठी राखीव जागा असेल. भाडे सामान्य असेल आणि सामान्य द्वितीय श्रेणी (जीएस) डब्यांसाठी राखीव असल्यास द्वितीय आसन (2 एस) श्रेणीचे भाडे आकारले जाईल. सर्व प्रवाशांना जागा देण्यात येईल. केवळ कन्फर्म तिकीट असलेल्या प्रवाशांनाच रेल्वे स्थानकात प्रवेश देण्यात येईल. अस्तित्त्वात असलेल्या नियमांनुसार आरएसी आणि प्रतीक्षा यादी तयार केली जाईल. परंतु प्रतिक्षा यादीतील तिकीट धारकांना ट्रेनमध्ये चढण्याची परवानगी दिली जाणार नाही. प्रवासी प्रवासात कोणतीही अनारक्षित (यूटीएस) तिकीट दिले जाणार नाही असे मध्य रेल्वेच्या वतीने कळवण्यात आले आहे.