नातेपुते (सोलापूर ) : माळशिरस तालुक्यातील 44 ग्रामपंचायतीसाठी मतदान झाले असून 1 लाख 12 हजार 953 मतदारांनी मतदानाचा हक्क बजावला आहे. सोमवारी सकाळी 8.30 वाजता माळशिरस येथील म्हसवड रोडवरील शासकीय गोदामात मतमोजणी सुरू होणार आहे. मतमोजणीची तयारी पूर्ण झाली असून १४ टेबलवर २० फेरीत सर्व मतमोजणी पूर्ण होईल, अशी माहिती तहसीलदार जगदीश निंबाळकर यांनी दिली.
प्रथम फेरीत शेंडेचींच, तोंडले, दसुर, बोंडले, कुसमोड. दुसऱ्या फेरीत भांब, येळीव, विजयवाडी, खळवे, विठ्ठलवाडी; तिसऱ्या फेरीत बिजवडी, शिंगोर्णी, गारवाड, बचेरी. चौथ्या फेरीत रेडे, पिरळे, गणेशगाव, कोथळे. पाचव्या फेरीत चाकोरे, तांबवे, लोणंद, बांगर्डे. सहावी फेरी विझोरी, मांडकी, जळभावी, शिंदेवाडी. सातव्या फेरीत एकशीव, गिरवी, पिंपरी, कळंबोळी. आठवी व नववी फेरी तांदूळवाडी, मोरोची, संग्रामनगर, संग्रामनगर व उंबरे (वे). दहावी व अकरावी फेरी फोंडशिरस, फडतरी, कुरबावी बोरगाव, माळखांबी. बारापासून पुढील फेऱ्या प्रथम अकलूजनंतर कोंडबावी, मांडवे, नातेपुते, मळोली. अशाप्रकारे मतमोजणी होणार आहे.
हे ही वाचा : ग्रामपंचायतींच्या मतमोजणीसाठी प्रशासनाची तयारी पूर्ण
दुपारी बारापर्यंत सर्व निकाल हाती लागण्याची शक्यता आहे. निकालानंतर मिरवणुका, सभा, फटाके उडविण्यासाठी बंदी आहे. आपला विजय शांततेत साजरा करण्याचे आवाहन प्रशासनाने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
