सांगोला (जि. सोलापूर) : कोरोना विषाणूचा संसर्ग टाळण्यासाठी आमदार शहाजीबापू पाटील यांनी आमदार फंडातून सांगोला ग्रामीण रुग्णालय व भाळवणी (ता. पंढरपूर) येथील प्राथमिक आरोग्य केंद्रास 50 लाखांचे साहित्य वितरीत केले.
दोनही केंद्रांना 1 हजार 300 पीपीई किट, तीन हजार मास्क, सॅनिटायझरच्या बाटल्या, दोन हजार ट्रिपल लेयर मास्क, तीन हजार विविध आकाराचे रबर ग्लोज, दहा इन्फरेड थर्मल स्कॅनर व दोन हजार व्हीटीएम किट असे साहित्य वितरीत करण्यात आले.
आमदार पाटील यांनी पालकमंत्री दत्तात्रय भरणे व जिल्हाधिकाऱ्यांकडे सातत्याने पाठपुरावा करुन सांगोला मतदार संघातील आरोग्य केंद्रासाठी वरील सर्व साहित्य उपलब्ध केले.
या साहित्याची पाहणी करून सर्व साहित्य आरोग्य केंद्रांना व उपकेंद्रांना ते वितरण केले जाईल.
वरील साहित्य उपलब्ध करून दिल्याबद्दल प्रशासनाच्या वतीने आमदार पाटील यांचा सत्कार करण्यात आला. यावेळी आमदार पाटील यांनी ग्रामीण रुग्णालयाची पूर्ण पाहणी केली. नव्याने बांधकाम सुरू असणाऱ्या ट्रॉमा केअर सेंटरचीही पाहणी केली.
तहसीलदार योगेश खरमाटे, गटाविकास अधिकारी संतोष राऊत, भाऊसाहेब रुपनर, माजी नगराध्यक्ष रफिक नदाफ, नगरसेवक आनंदा माने, सूर्यकांत मेटकरी, तालुका आरोग्य अधिकारी डॉ. सीमा दोडामनी, ग्रामीण रुग्णालय अधीक्षक डॉ. साळे यांच्यासह आधिकारी व कर्मचारी यावेळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.