सोलापूर : स्वामित्व योजनेअंतर्गत गावठाणांचे भूमापन करून मिळकत पत्रिका देण्याच्या राज्य शासनाच्या उपक्रमाला सुरवात झाली आहे. या योजनेअंतर्गत दक्षिण सोलापूर तालुक्‍यातील दहा गावांची निवड करण्यात आल्याची माहिती भूमी अभिलेख उपअधीक्षक किरण कांगणे यांनी दिली.
श्री. कांगणे म्हणाले, ड्रोनद्वारे सर्व गावांच्या मिळकतींची मोजणी मार्च ते मे या कालावधीत करण्यात येणार होती. मात्र, कोरोनाच्या संसर्गामुळे ती करता आली नाही. राज्य शासनाने सध्या एक हजार गावांतील गावठाणांची ड्रोनद्वारे मोजणी करून दोन ऑक्‍टोबरपर्यंत मिळकत पत्रिका देण्याचे निश्‍चित केले आहे. यासाठी दक्षिण सोलापूर तालुक्‍यातील शिरवळ, इंगळगी, आलेगाव, बोरूळ, कणबस, बंकलगी, तिल्हेहाळ, हिपळे, सिंदखेड, आचेगाव या गावांची निवड केली आहे. गावठाण भूमापन योजना अत्यंत महत्त्वपूर्ण आणि उपयुक्त योजना आहे. योजना यशस्वी होण्यासाठी आपल्या मिळकतीचे सीमांकन वेळेवर करून घ्यावे व ग्रामविकास अधिकारी / भूमी अभिलेख अधिकारी व कर्मचाऱ्यांना सहकार्य करावे, असे आवाहन श्री. कांगणे यांनी केले आहे.
स्वामित्व योजनेची वैशिष्ट्ये व फायदे
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.