कुर्डुवाडीत कोरोनाचा शिरकाव होताच दहा दिवसाच्या लॉकडाउनची मागणी कोणी केली? ते वाचा 

कुर्डुवाडी(सोलापूर): कुर्डुवाडी शहरात कोरोनाचा शिरकाव झाला असून दोघांचा कोरोना अहवाल पॉझिटिव्ह आला आहे. या पार्श्वभूमीवर नगरपालिका प्रशासन, आरोग्य विभाग सतर्क झाले असून ता 18 ते 28 या लॉकडाउनमध्ये सोलापूर शहराबरोबर कुर्डुवाडीचाही समावेश करावा, असे पत्र नगराध्यक्ष व नगरसेवकांनी जिल्हाधिकारी यांच्याकडे ईमेल द्वारे पाठवले आहे. 

हेही वाचाः सोलापुरच्या जनतेने स्वतःहून लॉकडाउन पाळला तरच फायदा; अन्यथा..! कोण म्हणाले? वाचा 

शहरातील टेंभुर्णी रस्त्यालगत असलेल्या साई कॉलनी परिसरात एक व देवकते वस्ती येथे एक असे दोन जणांचे कोरोनाबाणित आढळले आहेत. संबंधित परिसर प्रतिबंधित करण्यात आला आहे. 

हेही वाचाः धक्कादायकः मोहोळमध्ये दुपारपर्यंत आढळले तब्बल 21 कोरोना बाधित 

नगरपालिका आरोग्य निरीक्षक तुकाराम पायगण व त्यांच्या सहकाऱ्यांनी परिसरात फवारणी केली. पोलिस कर्मचारी यांनी सदर ठिकाणी जाऊन कार्यवाही सुरु केली. त्या दोघांच्या अतीसंपर्कातील लोकांचे स्वॅब पाठवण्यात येणार असून कमी संपर्कातील लोकांना संस्थात्मक विलगीकरण करण्यात येणार आहे. रुग्ण आढळल्याच्या पार्श्वभूमीवर नगराध्यक्ष समीर मुलाणी व नगरसेवकांनी चर्चा केली. प्रतिबंधित केलेले दोन्ही परिसर दाट लोकवस्तीचे आहेत. कोरोना संसर्गाचा प्रादुर्भाव वाढू नये यासाठी सदर कालावधीत लॉकडाउनमध्ये सोलापूर शहराबरोबरच कुर्डुवाडी शहराचाही सामावेश करावा असे पत्र जिल्हाधिकारी यांच्याकडे ईमेल द्वारे पाठवण्यात आले आहे. 

रिधोरेत चार नवे रूग्ण 
आज भोसरे येथेही एक जणाचा कोरोना अहवाल बाधित तर रिधोरे येथे चार जणांचे कोरोना अहवाल बाधित आले आहेत. आजपर्यंत तालुक्‍यातील एकूण कोरोनाबाधितांची संख्या 34 झाली असून यातील लऊळ, चिंचगाव व मोडनिंब येथील प्रत्येकी एक असे तीन जणांचा मृत्यू झाला आहे. 
 

संपादनः प्रकाश सनपूरकर