आम्ही का देऊ मुख्यमंत्री निधीला

सोलापूर : जिल्हा परिषद सदस्यांचे एक-दोन महिन्याचे मानधन मुख्यमंत्री सहायता निधी की पीएम केअरला द्यायचे याबाबत अद्याप कोणताही निर्णय जिल्हा परिषदेत झाला नाही. झेडपी अध्यक्षांसह पदाधिकारी किंवा कोणत्याही सदस्याने प्रशासनाकडे याबाबत अद्याप कोणताही पत्रव्यवहार केला नाही. "सकाळ'ने सर्वच पक्षांच्या प्रमुखांचा कल पाहिला. त्या वेळी भाजपवाल्यांचा कल पीएम केअरकडे तर कॉंग्रेस, राष्ट्रवादी कॉंग्रेस, शेकापवाल्यांचा कल मुख्यमंत्री सहायता निधीकडे असल्याचे दिसून आले. 

हेही वाचा ः एकवेळच्या जेवणासाठी कामगार आला काकुळतीला

लॉकडाउन जाहीर झाल्यापासून जिल्ह्याच्या ग्रामीण भागात विखुरलेले जिल्हा परिषद सदस्य एकत्र येऊ शकले नाहीत. त्यामुळे कोरोनाग्रस्तांसाठी मदत करण्याबाबतचा विषयच चर्चेला आलेला नाही. लॉकडाउन संपल्यानंतर सर्व जिल्हा परिषद सदस्य एकत्र येऊन एक-दोन महिन्याचे मानधन पीएम केअरला द्यायचे की मुख्यमंत्री सहायता निधीला द्यायचे याबाबतचा निर्णय घेतला जाणार आहे.

हेही वाचा ः कोरोना आहे यांचा मित्र 

भाजपचे सदस्य आनंद तानवडे म्हणाले, ""पक्षाने आम्हाला पीएम केअरला मदत करण्याचे आदेश दिले आहेत. त्यानुसार आम्ही आमचे मानधन पीएम केअरच्या निधीमध्ये जमा करणार आहोत. याशिवाय आम्ही स्थानिक पातळीवरही काही प्रमाणात मदत करण्यास सुरू केली आहे.'' 

हेही वाचा ः पंढरपूरकरांना दिलासा

राष्ट्रवादी कॉंग्रेसचे नेते व जिल्हा परिषदेतील विरोधी पक्षनेते बळीराम साठे म्हणाले, ""याबाबत अद्याप कोणताही निर्णय घेतलेला नाही. मात्र जर असा निर्णय घ्यायचा झाला तर आमचे मानधन हे आम्ही मुख्यमंत्री सहायता निधीला देणार आहोत. स्थानिक पातळीवर आम्ही आमच्या गावात गोरगरिबांना धान्य वाटपाचा उपक्रम सुरू करणार आहोत.''

हेही वाचा ः दिवसभर घरोघरी जाऊन सर्वेक्षण

कॉंग्रेसचे सदस्य संजय गायकवाड म्हणाले, ""जर निर्णय झाला तर आमचे मानधन हे मुख्यमंत्री सहायता निधीसाठी दिले जाईल. आम्ही स्थानिक पातळीवर आमच्या गावातील गरजूंना धान्य वाटप सुरू केले आहे.''

शेकापचे सदस्य ऍड. सचिन देशमुख म्हणाले, ""आपण महाराष्ट्रात राहतो. त्यामुळे आपली मदत ही मुख्यमंत्री सहायता निधीलाच झाली पाहिजे. तशा प्रकारचा ठराव जिल्हा परिषदेत करून तो निधी आम्ही मुख्यमंत्री सहायता निधीलाच देऊ. मात्र, याबाबत अद्याप कोणीही विचारणा केली नाही.'' महाराष्ट्र