पलूस : पलूस तालुक्यातील एकूण 1 हजार 694 कोरोना पॉझिटिव्ह रुग्णांपैकी 1 हजार 168 रुग्ण कोरोनामुक्त झाले आहेत. ही पलूस तालुक्यासाठी दिलासादायक बाब आहे. आज तालुक्यात कोरोनाचे 19 रुग्ण सापडले.
पलूस तालुक्यात दररोज कोरोनाचे मोठ्या प्रमाणावर रुग्ण सापडत असले तरी दररोज कोरोनामुक्त होत असलेल्या रुग्णांची संख्या समाधानकारक आहे. दररोज पॉझिटिव्ह येणाऱ्या रुग्णांमध्ये जवळजवळ 90 टक्के रुग्णांना कोरोनाची कोणतीच लक्षणे नाहीत. त्यांना सर्दी, खोकला, ताप असे आजार नाहीत.
बहुतांश रुग्णांना होम आयसोलेशन करण्यात येत आहे. आतापर्यंत पलूस तालुक्यात कोरोनाचे 1 हजार 694 रुग्ण सापडले. यांपैकी 1 हजार 168 रुग्ण बरे झाले आहेत. पलूस तालुक्यात आज दिवसभरात 19 जणांचा कोरोना अहवाल पॉझिटिव्ह आला, तर 48 रुग्ण कोरोनामुक्त झाले.
आज पुणदी- 2, बुर्ली- 3, चोपडेवाडी- 2, मोराळे-3, पलूस -4, बांबवडे, खंडोबाचीवाडी, आमणापूर, भिलवडी व आंधळी या गावांमध्ये प्रत्येकी एक कोरोना पॉझिटिव्ह रुग्ण सापडला. सध्या तालुक्यात 471 पॉझिटिव्ह रुग्ण आहेत. आतापर्यंत 55 जणांचा कोरोनामुळे मृत्यू झाला आहे. पलूस कोविड सेंटरमध्ये 5 रुग्ण उपचाराखाली, तर होम आयसोलेशन असे 433 रुग्ण आहेत. इतर कोविड सेंटरमध्ये 33 रुग्ण उपचार घेत आहेत, अशी माहिती तालुका आरोग्य अधिकारी डॉ. सौ. रागिणी पवार यांनी दिली.
संपादन : प्रफुल्ल सुतार
सांगली
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
