राजकीय हालचाली वाढल्या ; सांगलीत रंगणार 152 ग्रामपंचायतीत रणधुमाळी

सांगली : जिल्ह्यातील 152 ग्रामपंचायतीचा रणसंग्राम सुरु झाला आहे. निवडणुकीसाठी मतदार यादीचा कार्यक्रम प्रशासनाने जाहिर केला आहे. प्रभागनिहाय आरक्षण काढण्यात आलेली आहेत. सरपंच पदाचे आरक्षणाची अद्याप प्रतिक्षा आहे. निवडणूक तयारीसाठी गावागावात हालचाली सुरु झाल्या आहेत. 
जिल्ह्यातील जुलै ते डिसेंबर 2020 या कालावधीत मुदत संपलेल्या 152 ग्रामपंचायतींच्या सार्वत्रिक निवडणूकांसाठी मतदार यादीचा कार्यक्रम जाहीर झाला आहे. 

मतदार यादीबाबत 7 डिसेंबरपर्यंत हरकती आणि सूचना स्वीकारल्या जाणार आहेत. त्यासाठी प्रत्येक तालुक्‍यातील तहसिल कार्यालयात विशेष कक्ष स्थापन करण्यात आला आहे. गेल्या महिन्याभरापासून जिल्ह्यातील ग्रामपंचायतींच्या निवडणुकीबाबत उत्सुकता निर्माण झाली होती. जुलै ते डिसेंबर 2020 या कालावधीत मुदत संपलेल्या 152 ग्रामपंचायतींच्या सार्वत्रिक निवडणूकांसाठी मतदार यादीचा कार्यक्रम जाहीर करण्यात आला. 

हेही वाचा - आगामी शैक्षणिक वर्ष जुलैनंतर ; सुट्ट्यांचे प्रमाणही होणार कमी ? -

5 डिसेंबर शासकीय सुट्टीच्या दिवशीही कार्यालयीन वेळेत हरकती व सूचना स्वीकारण्यासाठी तहसिल कार्यालयात विशेष कक्षाची व्यवस्था आहे. मुदत संपलेल्या 152 ग्रामपंचायतीत तासगाव तालुक्‍यातील सर्वाधिक 39, जत 30, मिरज 22, खानापूर 11, कडेगाव 9, आटपाडी 10, पलूस 14, कवठेमहांकाळ 10, शिराळा आणि वाळवा तालुक्‍यातील प्रत्येकी दोन ग्रामपंचायती आहेत. 

संपादन - स्नेहल कदम