जिल्हा बँकेसाठी दुपारीच ५६ टक्के मतदान...टक्का वाढण्याचे चित्र | Sakal
sakal

बोलून बातमी शोधा

सांगली जिल्हा बँक

सांगली जिल्हा बँकेसाठी दुपारीच ५६ टक्के मतदान

सांगली : जिल्हा बॅंकेच्या पंचवार्षिक निवडणुकीत आज जिल्ह्यातील बारा ठिकाणी सकाळी ८ पासून मतदान प्रक्रियेस प्रारंभ झाला. बँकेच्या निवडणुकीसाठी चुरसीने मतदान होत आहे. दुपारी १२ पर्यंत २५७३ पैकी १४३६ मतदारांनी मतदान केले होते. दुपारी १२ वाजताच ५६ टक्के मतदान झाल्यामुळे मतदानाचा टक्का वाढेल असे चित्र आहे. नेते मंडळींसह उमेदवार प्रत्येक केंद्रावर भेटी देऊन मतदानाची आकडेवारी घेत आहेत.

जिल्हा बँकेच्या २१ जागांपैकी तीन जागावर महाआघाडीचे आमदार अनिल बाबर, आमदार मानसिंगराव नाईक, महेंद्र लाड हे तीन उमेदवार यापूर्वीच बिनविरोध निवडून आले आहेत. उर्वरीत १८ जागांसाठी महाआघाडीचे सहकार विकास पॅनेल आणि भाजपचे शेतकरी विकास पॅनेलमध्ये लढत लागली आहे. सहकार पॅनेलने १८ तर भाजपच्या शेतकरी पॅनेलने १६ उमेदवार रिंगणात उभे केलेत. तसेच १२ अपक्षही रिंगणात आहेत.

हेही वाचा: द्राक्षबागांवर डाऊनी मिलेड्युचा प्रादुर्भाव

जिल्हा बँकेची निवडणूक प्रथमच पक्षीय पातळीवर होत आहे. त्यामुळे महाआघाडी आणि भाजप उमेदवारांमध्ये चुरस आहे. सोसायटी गटातील जत, आटपाडी, तासगाव आणि अन्य गटात चुरस निर्माण झाली आहे. क्रॉस व्होटींगची भिती असल्यामुळे उमेदवार दक्ष आहेत.जिल्हा बॅंकेच्या निवडणुकीत एकुण २५७३ मतदार आहेत. मिरज आणि वाळवा तालुक्यात मात्र प्रत्येकी दोन मतदान केंद्रे तर अन्य तालुक्यात प्रत्येकी एक मतदान केंद्र आहे. दुपारी १२ पर्यंत २५७३ पैकी १४३६ मतदारांनी मतदान केले होते. ही टक्केवारी ५५.८१ टक्के इतकी होती. यामध्ये वाळवा, कडेगाव येथील केंद्रावर ७४ टक्के मतदान झाले होते. तसेच पलूसला ७३ टक्के, जतमध्ये ६९ टक्के, कवठेमहांकाळला ६७ टक्के मतदान झाले होते. दुपारीच ५५.८१ टक्के मतदान झाल्यामुळे सायंकाळपर्यंत मतदानाचा टक्का वाढेल असे चित्र आहे.

राष्ट्रवादीचे नेते पालकमंत्री जयंत पाटील, कॉंग्रेसचे राज्यमंत्री विश्‍वजीत कदम आदींसह भाजपचे नेते नगराध्यक्ष निशिकांत पाटील, प्रदेश सचिव पृथ्वीराज पवार आदींसह उमेदवार मतदान केंद्रावर आहेत. सायंकाळी पाचपर्यंत मतदानाची वेळ असून बुधवारी (23) मिरजेत शेतकरी भवनमध्ये मतमोजणी होणार आहे.

loading image
go to top