माहू तुळशी घाटातील अपघातात ६ जण जखमी | Sakal
sakal

बोलून बातमी शोधा

Accident injured in Mahu Tulshi Ghat

माहू - तुळशी घाटातील अपघातात ६ जण जखमी

मंडणगड :तालुक्यातील राष्ट्रीय महामार्गावर माहू- तुळशी घाटात एका वळणावर टाटा मॅजिक आयरीस गाडीला जोरदार ठोकर मारून टेम्पो ट्रॅव्हलर ही गाडी पसार झाल्याची घटना ता.१७ मार्च रोजी दुपारी अडीच वाजण्याच्या सुमारास घडली. अपघातामध्ये 6 जणाना गंभीर दुखापती झाल्या आहेत. बाणकोट येथील शेहरान सोलकर हे आयरिश गाडी घेऊन मंडणगडकडे येत असताना तुळशी घाट येथे टेम्पो ट्रॅव्हलर गाडीने त्यांना जोरदार धडक देऊन अपघात घडला. अपघातानंतर टेम्पो ट्रॅव्हलर घटनास्थळी न थांबता पसार झाला आहे. त्याचा मंडणगड पोलीस तसेच नागरिक त्या टेम्पो ट्रॅव्हलरचा शोध घेत आहेत. अपघातामध्ये चालक सोलकर हे गाडीचे स्टिअरिंग मध्ये अडकून पडले होते. धडक एवढी जोरदार होती की गाडीचा पुढचा भाग दबून त्यात चालक अडकून सोलकर अडकून पडले होते.

घटनेची माहिती मिळताच मंडणगड शहरातील जागरूक नागरिकांनी रुग्णवाहिका घेत घटनास्थळी धाव घेत मदत कार्य केले. अर्धा तास चालकाला बाहेर काढण्यासाठी प्रयत्नांची पराकाष्ठा करण्यात आली. शीगा व पारय यांच्या साह्याने गाडीचा पत्रा बाजूला करून सोलकर यांना बाहेर काढण्यात आले. सोलकर यांच्या पायाला गंभीर दुखापत झाली आहे. तर तुळशी येथील कृष्णा करावडे, त्यांची पत्नी रिया करावडे, त्यांची सहा वर्षाची मुलगी आराध्या करावडे व गोपाल करावडे यांना गंभीर दुखापती झाल्या आहेत. तसेच अन्य एक नागरिक जखमी झाले आहेत. चालक व त्या व्यक्तीला पुढील उपचारासाठी खेड, चिपळूण येथे पाठविण्यात आले असल्याची माहिती मिळाली आहे.

Web Title: Accident Injured Mahu Tulshi Ghat

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top