एक विवाह ऐसा भीं; तीन फुटाचा वर अन् साडेपाच फुटाची वधू

अथणी - बागलकोट जिल्ह्यातील बदामी तालुक्यामधील निलगुंद गावातील बसवराज कुंभार (Basavraj Kumbhar) (वय 28) या तीन फूट उंचीच्या युवकाचा विजापूर जिल्ह्यातील कोलार तालुक्यातील गणी येथील पाच फूट उंचीच्या रुक्मिणी कुंभार (Rukmini Kumbhar) हिच्याशी सोमवारी (ता. २१) विवाह (Marriage) झाला. कोणता योग कधी साधला जाईल, हे सांगणे कठीण असते, त्याचा प्रत्येय या विवाहातून आला. मात्र सध्या हा चर्चेचा विषय झाला आहे.

पानपट्टीचा व्यवसाय करणारा बसवराज कुंभार अनेक वर्षे विवाहासाठी मुली शोधत होता. पण त्याला नोकरी नसल्याने लग्नाचा योग काही येत नव्हता. अखेर विजापूर जिल्ह्यातील कोलार तालुक्यातील गणी येथील मुलगी रूक्मिणी ही विवाहास तयार झाली. ती एका डोळ्याने अंध आहे. दोघांचा विवाह मोठ्या थाटात झाला. ते विवाह बंधनात अडकल्याने आपल्या सुखी संसाराला सुरुवात केली आहे. नव वधू-वरांना आशीर्वाद देण्यासाठी गावातील मान्यवर व पाहुण्यांची उपस्थिती होती.