खोडसाळपणा नडला ः हरिश्चंद्र गडावर मधमाशांचा भाविकांवर हल्ला

अकोले ः महाशिवराञीनिमित्त तालुक्यातील हरिश्चंद्र गडावर भाविक दर्शनासाठी जात होते. गडाच्या मध्यभागी कपारीत मधमाश्यांचे पोळं आहे. त्या पोळ्याला कोणीतरी दगड मारल्याने मधमाश्यांनी भाविकांवर हल्ला चढवला. आज दुपारी ही घटना घडली.

खोडसाळपणामुळे मोहळ खवळले

तालुक्यात सर्वञ शिवराञ महोत्सव सुरु आहे. तालुक्यातील विविध शिवालयात भाविकांनी दर्शनासाठी गर्दी केलेली होती. अशीच आज आदिवासी भागातील हरिश्चंद्र गडावरही भाविकांची दर्शनासाठी गर्दी होती. भाविक दर्शनासाठी जात असताना दुपारी १२ वाजेच्या दरम्यान गडाच्या मध्यभागी कपारीत असलेल्या मधमाश्यांचे पोळाला कोणीतरी अज्ञाताने दगड मारल्याने मधमाश्यांचे पोळ उठले.

जखमी भाविक झाले सैरभैर

यावेळी मधमाश्यांनी दर्शनासाठी जाणाऱ्या भाविकांवर हल्ला केला. भाविक सैरभैर होऊन पळू लागले. भविकांना आळेफाटा येथील प्रा.जयशिंग गाडेकर यांनी मदत केली. त्यांनी भाविकांना मधमाशांचे हल्ल्यातून वाचवत स्वतः च्या वाहनाने राजुर रूग्णालयात आणले.

२० भाविक जखमी

यावेळी १७ भाविकांवर ग्रामीण रुग्णालय राजुर येथे तर काही भाविकांवर खाजगी रूग्णालयात उपचार करण्यात आले. तर काही भाविक आप आपल्या गावाकडे उपचारासाठी निघून गेल्याचे समजते.

जखमीची नावे अशी ः विजय भांगरे, उत्तम जारकड, कुलदिप डोळस, विष्णु बांडे, बाळासाहेब फाफाळे, राहुल देशमुख, कांंताराम शिंदे, लक्षण आवटे, सचिन राऊत आदी जखमी झाले आहेत.