बेळगाव : गोवा बनावटीच्या दारूची वाहतूक करणाऱ्या वाहनांवर कारवाई

बेळगाव : गोवा बनावटीच्या दारूची वाहतूक करणाऱ्या आयशर वाहनांवर कारवाई करून सुमारे ७ लाख ७५ हजार १३९ रुपयांचा मुद्देमाल जप्त करण्यात आला आहे. शुक्रवार (ता.३) सकाळी खानापूर तालुक्यातील कणकुंबी तपासणी नाक्यावर अबकारी खात्याच्यावतीने ही कारवाई करण्यात आली आहे.

आज सकाळी खानापूर तालुक्यातील कणकुंबी तपासणी नाक्यावर अबकारी खात्याच्यावतीने वाहनांची तपासणी करण्यात येत होती. यावेळी केए २२ बी ५६८५ या आयशर वाहनाला थांबवून तपासणी करण्यात आली. त्यावेळी १८० बॉक्स गोवा बनाटीची विविध कंपनीची दारू आढळून आली. त्यामुळे अधिकाऱ्यांनी दत्तात्रय हनुमंत खानापुरे (वय ५५, रा. वडर चाळ खासबाग याला अटक करण्यात आली.

सुमारे साडेपाच लाख रुपये किमतीचे आयशर वाहन आणि दोन लाख २५ हजार ११९ रुपये किमतीची दारू असा एकूण सात लाख ७५ हजार १२९ रुपये किमतीचा मुद्देमाल जप्त करण्यात आला. सदर कारवाई अबकारी विभागाचे सहआयुक्त सी. के. कुमार अबकारी उपायुक्त जयरामेगौडा एम. डी. अबकारी उपअधीक्षक सी. एस. पाटील यांच्या मार्गदर्शनाखाली अबकारी निरीक्षक मंजुनाथ गलगली व त्यांच्या सहकाऱ्यांनी ही कारवाई केली आहे.