बेळगाव (बेनाडी) : येथील सुपुत्र आणि सांगली शहर जिल्हा काँग्रेसचे अध्यक्ष पृथ्वीराज गुलाबराव पाटील यांची सांगली जिल्हा मध्यवर्ती सहकारी बॅंकेवर संचालकपदी निवड झाली. मंगळवारी (ता. २३) निवडणुकीचा निकाल जाहीर झाला, त्यात पृथ्वीराज हे संस्था गटातून विजयी झाले.
पृथ्वारीज यांचे वडील आणि बेनाडीचे सुपुत्र गुलाबराव पाटील यांनी माजी खासदार, महाराष्ट्र प्रदेश काँग्रेसचे अध्यक्ष अशी पदे भूषवली होती. शिवाय सांगली जिल्हा मध्यवर्ती बॅंकेचे ते पहिले अध्यक्ष होते. सांगली जिल्हा मध्यवर्ती बॅंकेच्या स्थापनेपासून त्याच्या विस्तारात गुलाबराव यांनी योगदान दिले होते. गुलाबराव यांच्यामागे चिरंजीव पृथ्वीराज यांनी सांगली कार्यक्षेत्र ठेवून सहकार, शैक्षणिक, सामाजिक, राजकीय क्षेत्रात वाटचाल सुरु ठेवली आहे. यापूर्वी पृथ्वीराज यांनी सांगलीतून विधानसभा निवडणूक लढवली आहे.
आता त्यांची सांगली जिल्हा मध्यवर्ती बॅंकेवर संचालकपदी निवड झाल्याने बेनाडीसह निपाणी परिसरातून अभिनंदन होत आहे. पृथ्वीराज सांगलीत कार्यरत असले तरी बेनाडीसह निपाणी परिसरातील सामाजिक, राजकीय कार्यातही त्यांनी आपला सहभाग ठेवला आहे. बेनाडीसह निपाणी भागात पृथ्वीराज यांना मानणारा वर्ग असून अनेकांनी त्यांच्या निवडीबद्दल अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
