'व्हॅलेंटाईन डे' च्या पूर्वसंध्येला पतीकडून पत्नीचा खून..

Belgaum husband murder by strangles wife marathi news
Belgaum husband murder by strangles wife marathi news

 बेळगाव : पतीने पत्नीचा गळा आवळून खून केल्याची घटना गुरुवारी रात्री उशिरा उघडकीस आली आहे. कविता परशुराम पिसे (वय ३०, मूळ रा. गुलबर्गा, सध्या रा. विजयनगर, बेळगाव) असे मृत विवाहितेचे नाव आहे. संशयित परशराम पिसे हा एक राष्ट्रीयकृत बँकेत लिपिक म्हणून कार्यरत आहे.

परशराम आणि कविता यांचे लग्न होऊन आठ वर्षे झाली. परशराम हा विजापूर जिल्ह्यातील ताळीकोटी येथील असून नोकरीच्या निमित्ताने हे कुटुंब विजयनगर येथे भाड्याने घेतलेल्या घरात राहते. त्यांना सहा वर्षाची आणि सहा महिन्याची मुलगी आहे .

रागाच्या भरात पतीने केले हे कृत्य

गुरुवारी दुपारी दिडच्या सुमारास पत्नीने परशरामला बँकेतून घरी बोलावून घेतले. एलके जीमध्ये शिकणाऱ्या मुलीला शाळेतून आणण्यावरून दोघांमध्ये वादावादी झाली. यानंतर दोघांचे भांडण विकोपाला गेले. रागाच्या भरात पतीने पत्नीचा गळा आवळला. दुपारी २ वाजल्यापासून घरी तो आणि सहा महिन्याची मुलगी होती. पत्नी खाली पडल्याने तोही अस्वस्थ बनला. सायंकाळी काही उशीर तो घरी बसून होता. मुलींचे रडणे असह्य झाल्याने त्याने आपल्या घरी विजापूरला तसेच सासरवाडीला फोन करून पत्नीने झोपेच्या गोळ्या खाल्ल्याचे सांगितले.

 तिने झोपेच्या गोळ्या खाल्ल्या असे तो सांगत होता

यावेळी त्याच्या नातेवाईकांनी तिला हॉस्पिटलमध्ये नेण्याचा सल्ला दिला. गुरुवारी रात्री साडेनऊच्या सुमारास तो पत्नीला हॉस्पिटलमध्ये घेऊन गेला. परंतु डॉक्‍टरांनी मृत्यू झाल्याचे सांगितले. दुपारीच तिचा मृत्यू झाला होत.प्रथमदर्शनीच गळा दाबल्याचे व्रण आढळून आले आहेत. आधी पोलिसांनाही तो झोपेच्या गोळ्या खाल्ल्याचेच सांगत होता. परंतु, पोलिसांनी चौकशी केली असता त्याने कबूल केले. त्याला ताब्यात घेण्यात आले असून चौकशी सुरू आहे. कॅम्पचे प्रभारी पोलीस निरीक्षक धीरज शिंदे अधिक तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com