Coronavirus : ब्रह्मचैतन्य महाराज गोंदवलेकर ट्रस्ट सरसावले; 50 लाखांचा निधी जमा

गोंदवले (जि.सातारा) : कोरोना व्हायरसच्या प्रादुर्भावाने देशात जनतेस अनेक अडचणींना सामाेरे जावे लागत आहे. यासाठी सुरु असलेल्या उपाययोजनांच्या पार्श्वभूमीवर गोंदवले बुद्रुक येथील श्री सद्गुरू ब्रह्मचैतन्य महाराज गोंदवलेकर ट्रस्टच्या वतीने पंतप्रधानांच्या राष्ट्रीय मदत निधीमध्ये पन्नास लाख रुपये आज (शुक्रवार) जमा करण्यात आल्याची माहिती समाधी मंदिर समितीच्या विश्वस्तांनी दिली.

श्री ब्रह्मचैतन्य महाराजांचा गरजूंना मदतीचा वारसा येथील समाधी मंदिर समिती अविरतपणे पुढे चालवत आहे.श्री महाराजानी दिलेल्या श्रीराम नामाच्या शिकवणी बरोबरच भुकेलेल्याना अन्न,गोरक्षण तसेच रुग्णांची सेवेचा वारसा देखील येथे आजही सुरू आहे.श्री महाराजांनीही ऐन दुष्काळात लोकांच्या हाताला काम देऊन आधार दिला होता. याशिवाय अनेक संकटात लोकांच्या मदतीला श्री महाराज धावून जात.हीच परंपरा समाधी मंदिर समितीने सुरू ठेवली आहे.

सध्या सुरू असलेल्या कोरोना विषाणू संसर्गाच्या पार्श्वभूमीवर देशभरात उपाययोजना सुरू आहेत.याकामी मानवतेच्या भावनेतून आपणही मदत करावी याबाबत समाधी मंदिर समितीने विचारविनिमय करण्यात आला आणि तात्काळ यासाठी मान्यता देण्यात आली.समितीच्या वतीने पंतप्रधानांच्या राष्ट्रीय मदत निधीत पन्नास लाख रुपये जमा करण्यात आले.

Coronavirus : साताऱ्यातील सव्वा वर्षाचा बालकासह युवकाचा रिपाेर्ट निगेटिव्ह

पोलिस फक्त काट्याच मारत नाहीत... 

सॉरी उद्धवजी...अभिनेत्याने मागितली ठाकरेंची जाहीर माफी

केळघरमध्ये सरपंच स्वतः फिरुन करताहेत काेराेनाबाबतची जागृती

केळघर (जि.सातारा) : केळघर ( ता. जावळी) गावचे सरपंच रविंद्र सल्लक हे गेले आठ दिवसांपासून स्वत:च्या चारचाकी गाडीला ध्वनीक्षेपक लावून कोरोनाच्या संकटापासून सारख्या आजारापासून जनतेने सावधानता बाळगावी यासाठी गल्ली गल्लीत जनजागृती करत फिरत आहेत.

गेले काही दिवसापासून कोरोनाचा प्रादुर्भाव वाढू लागल्याने प्रशासनाने शहराबरोबरच खेडयोपाड्यातही याबाबत नागरिकांनी घ्यावयाची काळजी व विनाकारण गर्दी करू नये. याबाबतच्या सूचना येथील सरपंच रविंद्र सल्लक स्वत: हातात माईक घेत देत गल्ली -गल्लीत फिरत आहेत. बाजारपेठेतील भाजीपाला ,किराणा दुकान , मेडिकल दुकानदारांच्या समोर चौकोन आखून देत गर्दी न करता ,खबरदारी घेत जीवनावश्यक वस्तूची खरेदी करावी . तसेच बाजारपेठेत विनाकारण युवकांनी फिरु नये. घरातच बसावे अशा सूचना देत ते केळघर नांदगणेसह परिसरातील गावांमध्ये दररोज जनजागृती करत प्रशासनास सहकार्य करत आहेत.