निवडणुकींमुळे खजिन्यात भर ; विकासकामांना मिळणार चालना

the budget of gram panchayat is 29 lakh tax collected in belgaum
the budget of gram panchayat is 29 lakh tax collected in belgaum
Updated on

निपाणी : ग्रामपंचायतीच्या सार्वत्रिक निवडणुका लागल्यामुळे कोरोनाकाळात करवसुलीअभावी संकटात सापडलेल्या ग्रामपंचायतींना ‘बूस्टर’ मिळाला आहे. इच्छुक उमेदवारांकडून कागदपत्रांसाठी करांचा भरणा झाल्यामुळे खजिन्यात भर पडली आहे. निपाणी तालुक्‍यातील २७ ग्रामपंचायतींत तब्बल २९ लाख १६ हजारांचा कर जमा झाला आहे. त्यामुळे भविष्यात विकासकामांना चालना मिळणार आहे.

निवडणुकीत उभे राहणाऱ्या उमेदवारांना ग्रामपंचायतींच्या करांची थकबाकी नसल्याची पावती जोडणे अत्यावश्‍यक होते; अन्यथा अर्ज पत्र बाद होणार होते. त्यामुळे इच्छुकांनी घरफाळा, पाणीपट्टी व इतर कर पटकन भरले आहेत. परिणामी रिकाम्या झालेल्या ग्रामपंचायतींच्या तिजोरीत भर पडल्याने दिलासा मिळाला आहे. 

निपाणी तालुक्‍यातील प्रत्येक गावात प्रभागानुसार ३० ते ४० उमेदवारांनी अर्ज छाननीत न उडण्यासाठी करभरणा केला आहे. कोरोनाच्या संसर्गामुळे मार्चअखेरीस ग्रामपंचायतींना वसुलीचे उद्दिष्टही पूर्ण करता आले नव्हते. निवडणुकीची त्यासाठी मदत झाली आहे. अनेक ग्रामपंचायतींच्या कर्मचाऱ्यांना वेतन मिळणेही अवघड झाले होते. त्यामुळे वसुलीच्या प्रमाणात वेतन देण्याचा निर्णय काही ग्रामपंचायतींनी घेतल्याने कर्मचारीही आक्रमक झाल्याचे पाहायला मिळाले. जमा झालेल्या करामुळे ग्रामपंचायत कर्मचाऱ्याचे रखडलेले पगारही मिळण्यास मदत होईल.

कर भरण्यासाठी गर्दी

ग्रामपंचायत निवडणूक जाहीर झाल्यापासून कागदपत्रांची पूर्तता करण्यासाठी उमेदवारांनी गेल्या आठवड्यापासून प्रारंभ केला होता. साहजिकच ग्रामपंचायत कार्यालयात करांचा भरणा करण्यासाठी इच्छुकांची गर्दी झाली होती. प्रत्येकाने वेळेत करभरणा करून निवडणुकीच्या रणांगणात उभे ठाकल्याने करवसुलीचा दिलासा ग्रामपंचायतींना मिळाला आहे.

संपादन - स्नेहल कदम 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com