मिरजेत दोन गटांत राडा, जातीविषयी द्वेष निर्माण करणारे वक्तव्य
esakal
मुख्य ठळक मुद्दे (Highlights Summary)
मिरजेत दोन गटांत राडा: आक्षेपार्ह वक्तव्याच्या निषेधार्थ दोन समाजांमध्ये वाद वाढून दगडफेक, मारहाण आणि गोंधळ झाला.
पोलिसांचा तत्पर हस्तक्षेप: परिस्थिती नियंत्रणात आणण्यासाठी पोलिसांनी लाठीचार्ज केला; मोठा फौजफाटा तैनात.
अफवांवर विश्वास न ठेवण्याचे आवाहन: पोलिस अधीक्षक संदीप घुगे यांनी नागरिकांना शांततेचे आवाहन करत अफवा पसरवणाऱ्यांवर कठोर कारवाईचा इशारा दिला.
Miraj Police News : आक्षेपार्ह वक्तव्याच्या पार्श्वभूमीवर मिरज शहरात दोन गटांमध्ये वाद निर्माण होऊन तणावाचे वातावरण तयार झाले. संतप्त जमावाने संशयिताच्या घरावर दगडफेक केली, तर शहरात काही ठिकाणी दुकाने बंद करून रॅलीही काढण्यात आली. परिस्थिती नियंत्रणाबाहेर जाऊ नये म्हणून पोलिसांनी तत्काळ कारवाई करत जमावाला पांगवले. पोलिस अधीक्षक संदीप घुले यांनी स्वतः घटनास्थळी उपस्थित राहून परिस्थितीचा आढावा घेत नागरिकांना शांततेचे आवाहन केले.