अंकली (सांगली) : प्रदीर्घ आजाराने पतीचा मृत्यू झाल्याचे समजताच पत्नीचाही हृदयविकाराने मृत्यू झाला. बुवाची सौंदत्ती (ता. रायबाग) येथे बुधवारी (ता. २८) ही घटना घडली. कृष्णाप्पा कोरवी (वय ६०) व कमाबाई कोरवी (वय ५५) असे मयत पती-पत्नीचे नाव आहे. त्यांच्या मृत्यूमुळे गावात हळहळ व्यक्त करण्यात येत आहे.
याबाबत अधिक माहिती अशी,
बुवाची सौंदत्ती (ता. रायबाग) येथील कृष्णाप्पा बाळू कोरवी हे गेल्या काही वर्षापासून आजारी होते. बुधवारी प्रदीर्घ आजाराने त्यांचे निधन झाले. त्यांच्या निधनाचे वृत्त समजताच त्यांची पत्नी कमाबाई कोरवी यांना हृदयविकाराचा तीव्र झटका आला. कुटुंबातील सदस्यांकडून त्यांना दवाखान्यात हलविण्यात आले. पण डॉक्टरांकडून त्यांना मृत घोषित करण्यात आले. हे ऐकून कोरवी कुटुंबीयांवर दुःखाचा डोंगर कोसळला. पतीच्या निधनानंतर पत्नीचा ही मृत्यू झाल्याने गावातून हळहळ व्यक्त करण्यात येत होती. कृष्णाप्पा व कमाबाई यांच्या मागे दोन मुलगे, दोन मुली असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
