वयोवृद्ध आई-वडिलांना त्रास देणे मुलाला पडले महागात 

कडेगाव (जि. सांगली) : स्वतःच्या वयोवृद्ध व अंध आई वडिलांचा सांभाळ करण्यास नकार देवून त्यांना घरात राहू दिले जात नाही. तसेच शिवीगाळ करुन मानसिक व शारिरीक छळ करीत असल्याचा धक्कादायक प्रकार येथे घडला आहे. याबाबत आई वडिलांनी स्वतःचा मुलगा व सुनेविरुद्ध कडेगाव पोलिसांत गुन्हा दाखल केला आहे. 

हे पण वाचा - तब्बल १७ वर्षानी घुमणार शड्डूचे आवाज...

याबाबत कडेगाव पोलिसांनी दिलेली अधिक माहिती अशी,  येथील खुदबुददीन मक्तुम काझी (वय-68) हे येथील  शिवप्रभू शाळेजवळ स्वतःच्या मालकीच्या घरात पत्नी  व मुलगा शफीउल्ला खुदबुद्दीन काझी व सून नफिसा शफीउल्ला काझी यांचे सोबत राहत होते. तर खुदबुद्दीन हे वयोवृद्ध असून अंधही आहे. तसेच त्यांची पत्नी ही वयोवृद्ध आहेत. अशा वार्धक्याच्यावेळी त्यांना स्वतःच्या घरी राहणे गरजेचे आहे. परंतु त्यांचा मुलगा शफीउल्ला व सून नफिसा यांनी 2014 पासून त्यांना त्रास देण्यास सुरुवात केली. त्यांना घरामध्ये राहणेची नितांत गरज असताना मुलगा व सून हे दोघे त्यांना घरी राहू देत नाहीत तसेच त्यांचा कोणत्याही प्रकारचा योग्य रितीने सांभाळ करत नाहीत. त्यांना मानसिक व शारीरीक त्रास देत आहेत. खुदबुद्दीन पत्नीसह त्यांच्या मुलीकडे राहत आहेत. तरीही मुलगा शफीउल्ला व सून नफिसा हे खुदबुद्दीन व त्यांची पत्नी यांना शिवीगाळ करुन त्रास देत आहेत.

हे पण वाचा - हापूसने सोडले तोंडाला पाणी; एका आंब्याची तब्बल एवढी किंमत

शेवटी त्रासाला कंटाळून खुदबुद्दीन यांनी मुलगा शफिउल्ला खुदबुददीन काझी व सुन नफिसा शफिउल्ला काझी यांच्याविरुध्द कडेगाव पोलिस ठाण्यात फिर्याद दिली असून पोलिसांनी ज्येष्ठ नागरिक कायद्यान्वये शफीउल्ला व नफिसा काझी यांच्या विरुद्ध गुन्हा दाखल केला आहे. अधिक तपास पोलिस निरीक्षक विपीन हसबनिस करीत आहेत.