प्रारूप मतदार यादीवर नोंदवलेल्या हरकतींवर १५ रोजी विभागीय सहनिबंधक कोल्हापूर यांच्या कार्यालयात सुनावणी होणार आहे.
सांगली : येथील जिल्हा मध्यवर्ती सहकारी बॅंकेच्या निवडणुकीसाठी जाहीर केलेल्या प्रारूप मतदार यादीवर ५० हरकती दाखल झाल्या आहेत. बुधवारी (१५) सुनावणी होणार असून, २२ रोजी निकाल दिला जाईल, तर २७ रोजी अंतिम मतदार यादी जाहीर केली जाणार आहे.
सांगली, सातारा व कोल्हापूर जिल्ह्यांसाठी विभागीय सह निबंधक कोल्हापूर यांनी १३ रोजी प्रारूप मतदार यादी जाहीर केली आहे. जिल्हा बॅंकेच्या प्रारूप यादीत २५७३ मतदार सभासद आहेत. यात २२१९ संस्था सभासद आहेत. प्रारूप यादीवर हरकती दाखल करण्यासाठी १३ सप्टेंबरपर्यंत मुदत होती. मुदतीत ५० हरकती दाखल झाल्या आहेत. सभासद मृत झाल्याबाबत २६ यादीत नाव नसल्याच्या १२ तर सभासदांने राजीनामा दिल्याची एक तक्रार आहे. तसेच प्रतिनिधीच्या नावावर आक्षेप असल्याच्या चार व इतर सात हरकतीही आहेत.
प्रारूप मतदार यादीवर नोंदवलेल्या हरकतींवर १५ रोजी विभागीय सहनिबंधक कोल्हापूर यांच्या कार्यालयात सुनावणी होणार आहे. यासाठी संबंधितांना नोटिसा देण्यात आल्या आहेत. सुनावणी झाल्यानंतर २२ पर्यंत हरकतींवर निकाल दिला जाणार आहे, तर २७ रोजी बॅँकेची अंतिम मतदार यादी जाहीर होणार आहे. अंतिम मतदार यादीनंतर दहा दिवसांत बॅंकेचा निवडणूक कार्यक्रम घोषित होणार आहे. त्यामुळे ऐन दिवाळीच्या धामधुमीत बँकेच्या निवडणुकीचा धुरळा उडेल, अशी शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
