सांगली : शिक्षणाधिकारी विष्णू कांबळेसह दोघे लाचलुचपतच्या जाळ्यात | Sakal
sakal

बोलून बातमी शोधा

Bribe case

सांगली : शिक्षणाधिकारी विष्णू कांबळेसह दोघे लाचलुचपतच्या जाळ्यात

सांगली - जिल्हा परिषदेतील माध्यमिक शिक्षणाधिकारी विष्णू मारूतीराव कांबळे (वय ५८) व त्याच विभागातील अधीक्षक विजयकुमार अशोक सोनवणे (४१) या दोघांना पावणे दोन लाखांची लाच घेताना रंगेहात पकडण्यात आले. सांगलीच्या लाचलुपत विभागाने ही कारवाई केली. पदवीधर वेतन श्रेणी मान्यता देण्‍यासाठी लाचेची मागणी केल्याचे समोर आले. दरम्यान, जिल्हा परिषदेत झालेल्या या कारवाईमुळे एकच खळबळ उडाली आहे.

अधिक माहिती अशी, की तक्रारदार व त्यांचे दोन शिक्षक मित्र यांचे पदवीधर वेतन श्रेणी मान्यता मिळणेबाबत प्रस्ताव शिक्षणाधिकारी कांबळे याच्याकडे दिला होता. सदरचे काम करून देण्यासाठी शिक्षणाधिकारी कांबळे व अधीक्षक सोनवणे यांनी तक्रारदार व त्यांचे शिक्षक मित्र यांचेकडे प्रत्येकी साठ हजार रूपयांच्या लाच मागणी केली. याबाबतची तक्रार २६ एप्रिल रोजी लाचलुचपत प्रतिबंधक विभागाकडे करण्यात आली. विभागाने या तक्रारीची दखल घेवून पडताळी केली. त्यावेळी शिक्षणाधिकारी कांबळे व अधीक्षक सोनवणे यांनी प्रत्येकी साठ हजार प्रमाणे १ लाख ८० हजार रूपये लाचेची मागणी केली. चर्चेअंती १ लाख ७० हजार रूपये लाचेची मागणी केली असल्याचे पाडताळणीत निष्पन्न झाले.

त्यानुसार जिल्हा परिषद आणि शिक्षणाधिकारी कांबळे याच्या घरासमोर सापळा लावला. तसेच सोनवणे याच्या कुपवाडमधील अहिल्यानगर येथेही सापळा रचण्यात आला होता. तक्रारदार यांनी सोनवणे याच्याकडे एक लाख सत्तर हजारांची रक्कम दिली. त्यानंतर शिक्षणाधिकारी कांबळे याच्या विश्रामबाग येथील कल्पतरू संकल्प सोसायटी येथे ही रक्कम दिल्यानंतर दोघांनाही रंगेहात कांबळे याच्या घरी पकडण्यात आले. दोघांविरोधात विश्रामबाग पोलिस ठाण्यात गुन्हा नोंद करण्यात आला. कारवाईत लाचलुचपतचे उपाधीक्षक सुजय घाटगे, निरीक्षक विनायक भिलारे, दत्तात्रय पुजारी, अंमलदार अविनाश सागर, प्रितम चौगुले, धनंजय खाडे, सलिम मकानदार, सिमा माने, संजय संकपाळ, सजय कलगुटगी, रविंद्र धुमाळ, राधिका माने, भास्कर भोरे यांचा सहभाग होता.

Web Title: Education Officer Vishnu Kamble Two Others Caught In Trap Bribery

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top