- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
सांगली : दी इन्स्टिट्यूट ऑफ चार्टर्ड अकाउंटंट्स ऑफ इंडियाच्या वतीने घेण्यात आलेल्या सनदी लेखापाल (सीए) अंतिम परीक्षेत यंदा जिल्ह्यातील १४० पैकी ११ जणांनी यश मिळवले आहे. एवढ्या मोठ्या संख्येने एकाचवेळी सीए होण्याचा मान सांगलीकरांनी प्रथमच मिळवला आहे. यामध्ये दोन मुलींचा समावेश आहे.
यंदा जुलै महिन्यात ही परीक्षा घेण्यात आली होती. त्याचा निकाल दि इन्स्टिट्यूट ऑफ चार्टर्ड अकाउंटंटने जाहीर केला. यामध्ये जिल्ह्यातील अकरा जणांनी यश मिळवले. यामध्ये नऊ मुले, तर दोन मुली आहेत. या परीक्षेसाठी जुन्या अभ्यासक्रमाच्या ग्रुप एकमधून १७ उमेदवार बसले होते. त्यापैकी तिघे उत्तीर्ण झाले. तर ग्रुप दोनमधील २५ उमेदवार परीक्षेस बसले त्यापैकी चौघे उत्तीर्ण झाले.
एवढ्या मोठ्या संख्येने एकाचवेळी सीए होण्याचा मान सांगलीकरांनी प्रथमच मिळवला.
नवीन अभ्यासक्रमाच्या पहिल्या ग्रुपमध्ये ४३ जण परीक्षेस बसले होते त्यापैकी पाच जण उत्तीर्ण झाले. दुसऱ्या ग्रुपमधून २६ जणांपैकी चौघे उत्तीर्ण झाले. अंतिम परीक्षेत अकरा जण उत्तीर्ण झाले. सीएची परीक्षा अवघड असते त्यामुळे ही परीक्षा उत्तीर्ण होणे म्हणजे मोठे यशच मानले जाते. या परीक्षेचा निकाल नेहमीच फार कमी लागतो. सांगली जिल्ह्यातूनही ही परीक्षा उत्तीर्ण होण्याचे प्रमाण अत्यंत नगण्य आहे. मात्र यंदा या परीक्षेत तब्बल अकरा जणांनी यश मिळवल्यामुळे सी ए करू इच्छिणाऱ्या उमेदवारांमध्ये उत्साहाचे वातावरण आहे. यापूर्वी जिल्ह्यात एकावेळी सहा-सात विद्यार्थीच सीए परीक्षेत उत्तीर्ण होत होते.
जिल्ह्यातून सी ए परीक्षा उत्तीर्ण झालेले विद्यार्थी:
अजय मंगलानी, पराग गणबावले, चैताली कुलकर्णी, नितीन कोरूचे, प्रतीक झंवर, कृष्णा मालू, शुभम पवार, अभिजित पाटील, अझहरुद्दीन नायकवडी, सिद्धार्थ मालू, पुष्पांजली निशाणदार.
सीए परीक्षेचा निकाल यापूर्वी सात ते दहा टक्के इतकाच लागत होता. तुलनेने कमी उमेदवार उत्तीर्ण होत होते. मात्र या निकालामुळे सीए होऊ इच्छिणाऱ्या तरुणांना प्रोत्साहन मिळेल. जिल्ह्यासाठी हा निकाल उच्चांकी म्हणता येईल. सांगलीतूनही सी ए परीक्षा उत्तीर्ण करता येऊ शकते हा एक आत्मविश्वास या निकालाने सांगलीतील उमेदवारांना मिळेल. यावर्षी १७ टक्के निकाल लागला आहे. या निकालामुळे हुशार विद्यार्थ्यांना केवळ इंजिनिअरिंग अथवा मेडिकल हेच करियर नसून सनदी लेखापाल हे एक मोठे क्षेत्र असल्याचे समोर येत आहे. त्यामुळे सीए होण्याकडेही उमेदवारांचा कल वाढण्यासाठी या निकालाने प्रोत्साहन मिळेल.
महेश ठाणेदार, अध्यक्षसीए असोसिएशन, सांगली शाखा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.