साखर झोपेत असतानाच भडकली आग अन्... 

रायबाग (बेळगाव) - तालुक्यातील कुडची येथील साहेबलाल जी. रोहिले यांच्या राज अॅग्रो इंडस्ट्रीज व एसजीआर गृहोद्योग कारखान्यात आग लागली. त्यात सुमारे ५० ते ५५ लाखाचे नुकसान झाले. आज (ता. ३) पहाटे लागलेल्या आगीत कारखान्यातील मशिनरीसह कच्चामाल व तयार साहित्य खाक झाले. मात्र आगीमागील नेमके कारण समजू शकले नाही. 

हे पण वाचा - मुख्यमंत्री उद्धव ठाकरेनां नाणार रिफायनरी प्रकल्प हवा आहे ; भाजपच्या बड्या नेत्याचा गौप्यस्फोट

याबाबत अधिक माहित अशी, येथील जमखंडी मार्गावर साहेबलाल जी. रोहिले यांचे राज अॅग्रो इंडस्ट्रीज व एसजीआर गृहोद्योग आहे. तेथे आज (ता. ३) आग लागली. पहाटे फिरायला गेलेल्या लोकांच्या निदर्शनास ही घटना आली. त्यानंतर आग विझविण्यासाठी सर्वांची धावपळ उडाली. आगीने राैद्ररूप धारण केल्याने ती लवकर आटोक्यात आली नाही. रायबाग अग्निशामक दल व कुडची पोलिसांनी घटनास्थळी धाव घेऊन आग विझविण्याचा प्रयत्न केला. नागरिकही घटनास्थळी धावून आले. मात्र आग मोठ्या प्रमाणावर असल्याने अॅग्रो इंडस्ट्रीज व गृहोद्योग प्रकल्पातील मशिनरी, कच्चामाल व तयार माल असे सुमारे ५० ते ५५ लाखाचे नुकसान झाले. कुडची पोलिस ठाण्यात या घटनेची नोंद झाली आहे. आग शॅार्टसर्किटमुळे की अन्य कारणामुळे लागली ते समजू शकले नाही. या आगीमध्ये मोठे नुकसान झाल्याने हळहळ व्यक्त होत आहे.

हे पण वाचा - विनायक राऊत समोर आलात तर पायातील चप्पल तोंडात मारू...