बेळगाव : व्हॅक्सिन डेपोत पुन्हा वृक्षतोड | Sakal
sakal

बोलून बातमी शोधा

Forest Department Ignored Deforestation at Vaccine Depot belgaum

बेळगाव : व्हॅक्सिन डेपोत पुन्हा वृक्षतोड

बेळगाव : बेळगाव शहराचे फुफ्फुस समजला जाणारा ‘व्हॅक्सिन डेपो’ नेहमी या ना त्या कारणाने चर्चेत राहतो. आता या ठिकाणी पुन्हा वृक्षतोड सुरु झाली आहे. याकडे वन विभागाने दुर्लक्ष केले असून पर्यावरणप्रेमींतून संताप व्यक्त केला जात आहे. वन विभागाने याकडे तातडीने लक्ष देऊन येथील वृक्षतोड रोखावी. तसेच व्हॅक्सिन डेपोचे सौंदर्य अबाधित राखावे, अशी मागणी पर्यावरणप्रेमींतून करण्यात येत आहे.

शहराच्या मध्यवर्ती भागात व्हॅक्सिन डेपो असून या ठिकाणी विविध जातीचे शेकडो वृक्ष आहेत. तसेच घनदाट जंगल असल्याने विविध जातीचे पक्षी या ठिकाणी येतात. मात्र, या ठिकाणी नियमित वृक्षतोड होत असल्याने येथील सौंदर्य हरवत चालले आहे. यापूर्वी अनेकवेळा व्हॅक्सिन डेपोत वृक्षतोड करण्यात आली आहे. वृक्षतोडीनंतर पर्यावरणप्रेमींतून संताप व्यक्त केला जातो. मात्र, वन विभाग याकडे दुर्लक्षच करताना दिसतो. त्यामुळे या ठिकाणी वारंवार वृक्षतोडीचे प्रकार घडत आहेत. चार दिवसांपूर्वी व्हॅक्सिन डेपोत पुन्हा वृक्षतोड करण्यात आली. याकडे वनविभागाने दुर्लक्ष केले.

व्हॅक्सिन डेपोत गेल्या काही वर्षांपासून रोप लागवड कमी व वृक्षतोड अधिक होत आहे. त्यामुळे हा परिसर काही वर्षात नष्ट होईल की काय, अशी भितीही व्यक्त केली जात आहे. या ठिकाणी सध्या स्मार्ट सिटीतूनही अनेक विकासकामे केली जात आहे. यासाठी मोठ्या प्रमाणात वृक्षतोडही झाली आहे. व्हॅक्सिन डेपो बचावसाठी पर्यावरणप्रेमींनी मोहीम राबविली आहे. मात्र, वन विभागानेही याकडे लक्ष देण्याची मागणी केली जात आहे.

Web Title: Forest Department Ignored Deforestation At Vaccine Depot Belgaum

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top