चक्क जिल्हाधिकारी कार्यालयातच..

रमणमळा (कोल्हापूर) : हे जिल्हाधिकारी कार्यालय आहे. जिल्ह्याचा महसूल गोळा करणारी ही यंत्रणा. केंद्रशासन, महाराष्ट्र शासन गेली काही वर्षे सार्वजनिक ठिकाणच्या स्वच्छतेविषयी वारंवार जनजागृती अभियान सुरु आहे; पण जिल्हाधिकारी कार्यालयाच्या प्रवेशद्वारात गेलात की, तुम्हाला जागोजागी, कोपऱ्याच्या ठिकाणी कचऱ्याचे ढिग पाहावयास मिळते. गेली काही वर्षे येथे स्वच्छता झालेली नसल्याचे दिसते. स्वच्छतेचा अभाव जिल्हाधिकारी कार्यालयातील जिन्याच्या खाली, तसेच परिसरात जागोजागी दिसतो.

हे पण वाचा- ..आणि त्याच शववाहिकेतून सुधीरचा मृतदेह आणवा लागला  

"स्वच्छता ठेवा, स्वच्छता राखा डेंगी पळवा...', असे स्वच्छतेचे फलक जागोजागी दिसतात; पण ते फलकही अडगळीत पडले आहेत. काही फलकांवर तर बुरशी चढल्याने फलकांवर काय आहे, ते दिसतही नाही. अनेक फलाकांना तर अक्षरश: गंज चढला आहे. हे फलक कुठेही नेऊन टाकले आहेत. काही फलकांवर धुळीची पुटे चढली आहेत. झाडांच्या कुंड्यातील झाडे पूर्णपणे वाळून गेली आहेत.

हे पण वाचा- ...त्यामुळे गहिवरले मंत्री हसन मुश्रीफ 

ऑगस्टमध्ये महापुर आला. महापुराचा वेढा खुद्द जिल्हाधिकारी कार्यालयाला बसला. तेव्हापासून ते आजतागायत महापुरात अडकलेला कचराही जागोजागी दिसतो. यात मोडकळीस आलेले फर्निचर दिसते. अनेक ठिकाणी प्लास्टिक कचरा अन्‌ धुळीने तर पूर्ण परिसर भरुन गेला आहे. जागोजागी "स्वच्छता राखा, डेंगी पळवा...' असे फलक दिसतात. पिण्यासाठी पाणी आहे; पण तिथे प्यायला पाणी नाही. अनेक फिल्टर्स मोडकळून पडले आहेत. जिथे थुंकू नका, असे फलक आहेत; तिथे थुंकलेले दिसते. स्वच्छतागृहातही स्वच्छता दिसत नाही. स्वच्छतागृहात दुर्गंधी पसरली आहे. जिन्याच्या खाली पेपर, प्लास्टिकच्या बॉटल्या पडल्या आहेत. जिल्हाधिकारी कार्यालयाच्या पाठीमागील बाजूस कोणी जातात की नाही, असा प्रश्‍न पडतो. मागील बाजूल गवत भरलेले आहे. तेथेही स्वच्छ केलेली दिसत नाही. जिथे कचरा जाळला जातो, त्याची राख, कचऱ्याचे तुकडेही वेळोवेळी भरले गेलेले नाहीत. या परिसराला एखादा झाडू फिरला; खरेच स्वच्छता केली तर तो परिसर नक्कीच स्वच्छ, सुंदर होईल. जिल्हाधिकारी कार्यालयाने प्रथम आपल्या परिसरातील, कार्यालयातील स्वच्छता राखणे गरजेचे आहे.