बेळगाव मध्ये हेरॉइन जप्त; दोघांना अटक

बेळगाव : हेरॉईन अंमली पदार्थांची विक्री करण्याच्या प्रयत्नात असलेल्या दोघांना अबकारी अधिकाऱ्यांनी अटक केली आहे. वंटरमुरीनजीक एका मोटारीत हेरॉइनची विक्री करण्यात येत असल्याची खात्रीलायक माहिती अबकारी अधिकाऱ्यांना मिळाली होती. त्यानुसार छापा टाकून कारवाई करण्यात आली. त्यावेळी त्यांच्याकडून १६ ग्रॅम वजनाचे हेरॉईन जप्त करण्यात आले. या प्रकरणी अब्दुल खादिर अतिक नायक उर्फ झिया आणि एकीब सलीम मकानदार या दोघांना अटक करण्यात आली. त्यांच्याविरोधात एनडीपीएस कायद्याअंतर्गत गुन्हा दाखल करून घेण्यात आला आहे.