अन् घेतले व्हिडिओ कॉलिंगवरून पतीचे अंतीम दर्शन... 

बेळगाव : मुळचे ताशिलदार गल्लीतील व सध्या मिरज येथे वास्तव्यास असलेल्या भाऊराव धाकलू काळे (वय 87) यांचे शनिवारी (ता.25) निधन झाले. कोरोनामुळे देश बंद असल्याने त्यांच्या अंतयात्रेला पत्नी, मुलगा व मुलगी व नातवंडाना जाता आले नाही. कोरोनामुळे त्यांना व्हिडिओ कॉलिंगद्वारेच अंतिम दर्शन घेता आले. भाऊराव यांची पत्नी  (ता.बेळगाव), मुलगा ताशिलदार गल्ली बेळगाव व मुलगी कोल्हापूरला अडकल्या आहेत. लॉकडाऊन संपल्यानंतरच त्यांना आपल्या कुटुंबीयांची भेट घ्यावी लागणार आहे. 

मिरजेत भाऊराव काळे यांचे निधन

कोरोनामुळे देशभरात मागील महिनाभरापासून लॉकडाऊन आहे. 3 मेपर्यंत लॉकडाऊन असल्याने वाहतूक सेवा बंद असणार आहेत. तसेच राज्याच्या सीमा बंद केल्यामुळे वाहनांनाही प्रवेश बंदी आहे. यामुळे त्यांना मोबाईलवरच अंतीम दर्शन घेता आले. भाऊराव काळे हे रेल्वे विभागात पार्सल अधिकारी म्हणून कार्यरत होते. नोकरीनिमित्त 1970 साली मिरज येथील झारीबाग येथे स्थायीक झाले. त्यांच्याबरोबर त्यांची पत्नी, दोन मुलगे व मुलगी तिथेच वास्तव्याला होती. एका मुलग्याला बेळगावात नोकरी मिळाल्याने ते येथेच राहिले. 

हेही वाचा- कोरोना विरुद्ध लढ्यात थर्मल स्क्रिनिंगचे हत्यार!

पत्नी, मुलगा बेळगावात, तर मुलगी अडकली कोल्हापूरात 

भाऊराव यांचे शनिवारी (ता.25) वृद्धापकाळाने निधन झाले. याची माहिती पत्नी यशोदा काळे, मुलगा अर्जून काळे, मुलगी राजश्री खोत (कोल्हापूर), चेतन खोत (कोल्हापूर) व अर्जून काळे यांच्या पत्नी रेणु काळे, महेश काळे व उमेश काळे यांना देण्यात आली. मात्र, सर्व वाहतूक सेवा बंद असल्याने व नियमांचे पालन करत दुखः असूनही त्यांनी न जाणे पसंत केले. मिरज येथे वास्तव्यास असलेले त्यांचे मुलगे अमृत काळे, शरद काळे व 15 जणांनी अंतीमसंस्कार केले. 

हेही वाचा- जागतिक वारसा स्थळांमध्ये नोंद व्हावी असा कोकणातील कातळशिल्पांचा अनमोल ठेवा...

कोरोनामुळे वाहतूक व्यवस्था बंद आहे. यामुळे मिरज येथे वास्तव्यास असलेल्या वडिलांच्या अंतयात्रेलाही आम्हाला जाता आले नाही. याचे खुप दुखः आहे. माझ्यासोबत आई मुलग्याला व बहीण कोल्हापूरला अडकली आहे. लॉकडाऊन संपल्यानंतर कुटुंबीयांची भेट घेणार आहे. व्हिडिओ कॉलिंगवरून अंतीम दर्शन घेतले. 
-अर्जून काळे, मुलगा, ताशिलदार गल्ली