बेळगाव :आयटीआयच्या परीक्षेत उत्तीर्ण करण्यासाठी लाच मागणारे एसीबीच्या जाळ्यात

बेळगाव : (Belagavi news)आयटीआयच्या(ITI) लेखी परीक्षेत उत्तीर्ण करण्यासाठी लाच मागणारे रामदुर्ग सरकारी आयटीआय महाविद्यालयाचे प्राचार्य आणि एक शिपाई एसीबीच्या(Anti Corruption Bureau) जाळ्यात रंगेहात अडकले आहेत.

परीक्षा केंद्राचे मुख्य असलेले प्राचार्य रामनगौडा बाबगौडा पाटील आणि शिपाई बसवराज रामाप्पा मोहिते अशी अटक करण्यात आलेल्या संशयीतांची नावे आहेत. फिर्यादी सुधीर सिद्दनकोळ यानी दिलेल्या तक्रारीनुसार एसीबी अधिकाऱ्यांनी गुरुवार (ता.२३) ही कारवाई केली आहे. कारवाई दरम्यान १४ हजार रुपयांची लाच स्वीकारताना त्यांना रंगेहात अटक करण्यात आली आहे.(arrested while accepting a bribe of Rs 14,000)

एसीबी उत्तर परिक्षेत्राचे पोलीस अधीक्षक बी. एस. न्यामगौडर यांच्या मार्गदर्शनाखाली प्रभारी पोलीस अधीक्षक महांतेशश्वर जिद्दी यांच्या नेतृत्वाखालील पोलीस निरीक्षक गळाड, अडीवेश गुडीगोप्प आणि सुनीलकुमार व त्यांच्या सहकाऱ्यांनी छापा टाकून ही कारवाई केली आहे. दोघाही संशयितांना ताब्यात घेऊन पोलिसांनी पुढील चौकशी चालविली आहे.(Police are conducting further investigations)