इस्लामपूर नगरपालिकेत जोरदार खडाजंगी....

इस्लामपूर (सांगली) : लोकनेते राजारामबापू पाटील नगरव्याख्यानमालेच्या खर्चावरून आज नगरपालिकेच्या सभेत दोन्ही गटात गोंधळ झाला. सहा लाख 35 हजार रुपये खर्च झाला असताना सभेत एक लाख 35 हजार रुपयांची टिपणी सादर केल्याने विकास आघाडीचे नगरसेवक वैभव पवार यांनी त्याला आक्षेप घेतला. उपनगराध्यक्ष दादासो पाटील, मुख्याधिकारी प्रज्ञा पवार यांच्या उपस्थितीत सभा झाली.

 शहरात अन्य काही महनीय व्यक्ती होऊन गेल्या असताना त्यांच्या बरोबरीने काम केलेल्या बापूंनाच महत्त्व दिले, आमचा त्याला आक्षेप नाही; परंतु तरीही खोटे आकडे दाखवून नेमके काय साध्य करायचा प्रयत्न सुरू आहे? असा सवाल वैभव पवार यांनी उपस्थित केला.

हेही वाचा- ‘थाळी फेक थांबली नव्हं .....?

पालिकेला भुर्दंड कशाला?

दरम्यान राष्ट्रवादीच्या बड्या लोकांनी हा खर्च स्वतः करावा, पालिकेची आर्थिक परिस्थिती नसताना पालिकेला भुर्दंड कशाला? असाही टोमणा मारला. राष्ट्रवादीने व्याख्यानमालेच्या खर्चाच्या विषयाला बगल देत पवार यांनी घेतलेल्या आक्षेपाला तोंड दिले. खंडेराव जाधव आणि शहाजी पाटील यांनी या भाषेला आक्षेप घेतला. पवार यांनीही त्याला आक्रमक शैलीत प्रत्त्युत्तर दिले. कुणाला, कोणत्या कामासाठी किती पैसे दिले याचे सर्व तपशील मिळाले पाहिजेत, अशी मागणी पवार आणि अमित ओसवाल यांनी केली.

हेही वाचा- सावधान : फॅशन म्हणून किल्ला भटकंतीस येताय......

कोणताही भ्रष्टाचार नाही
लोकनेते राजारामबापूंच्या नावाने असलेल्या व्याख्यानमालेच्या विषयाला गालबोट लागू नये, असे मत शहाजी पाटील आणि खंडेराव जाधव यांनी मांडले. दरम्यान या खर्चात कोणताही घोळ झाला नसून दरवर्षी जो खर्च होतो, त्याच प्रमाणात यंदाही खर्च केला आहे. यात भ्रष्टाचार करण्याइतकी आमची पातळी खालावलेली नाही, अशा भाषेत मुख्याधिकारी प्रज्ञा पवार-पोतदार यांनी वैभव पवार यांना प्रत्त्युत्तर दिले. 

हेही वाचा- महाविकास आघाडीच्या दरबारात जनतेची गाऱ्हाणी; मंत्री सोडविणार प्रश्‍न  

देशभरातील लोकांचा समावेश

अपूर्व गोंधळानंतर 'या खर्चाचे सर्व तपशील मी स्वतः लक्ष घालून पुढच्या बैठकीत सादर करते' असे आश्वासन मुख्याधिकारी पवार यांनी देताच हा विषय तहकूब करण्याचा निर्णय घेण्यात आला.जलसंपदा मंत्री जयंत पाटील यांचे वडील लोकनेते राजारामबापू पाटील यांच्या स्मृतिदिनाच्या निमित्ताने पालिकेकडून गेली आठ वर्षे नगरव्याख्यानमालेचे आयोजन केले जाते. देश व राज्यातील नामवंत आणि दिग्गज लोक यात सहभागी होतात.