Sangli ZP : बावची गटात १०१ कोटींचा विकास; जयंत पाटीलांचा ठाम दावा, ग्रामस्थांचा पाठिंबा

ईश्वरपूर : बावची जिल्हा परिषद मतदारसंघातील विविध गावांत १०१ कोटी रुपयांची विकास कामे मार्गी लावल्याचा दावा आमदार जयंत पाटील यांनी केला. बावची, गोटखिंडी व येडेनिपाणी येथे त्यांनी जाहीर सभा घेतल्या. .राष्ट्रवादी काँग्रेस शरदचंद्र पवार पक्षाचे बावची जिल्हा परिषद मतदारसंघाचे उमेदवार धैर्यशील थोरात, बावची गणाच्या सीमा पाटील आणि येडेनिपाणी गणाच्या प्रियांका पाटील यांच्या प्रचारार्थ जाहीर सभेत ते बोलत होते. व्यासपीठावर राष्ट्रवादी काँग्रेसचे विजयराव पाटील, बाळासाहेब पाटील, देवराज देशमुख, राजारामबापू बँकेचे अध्यक्ष विजयराव यादव आदी उपस्थित होते..Sangli News: पाण्यासाठी महिला आक्रमक! पेठ येथे पाणी टंचाईविरोधात ‘रास्ता रोको’; महामार्गावर वाहनांच्या रांगाच रांगा!.आमदार पाटील म्हणाले, ‘‘कोणी तरी पाणंद रस्त्यावर नारळ फोडला म्हणून मते मागत आहेत. याबद्दल काय बोलावे? माझ्याकडे राज्याचे नियोजन खाते असताना आम्ही कायदा करून ‘जिल्हा नियोजन’चा पूर्ण निधी खर्च करण्याची जबाबदारी जिल्हाधिकाऱ्यांवर टाकली. .राज्यात सर्वत्र ते होतेय. राजीव गांधींनी ९३/९४ घटना दुरुस्ती करून स्थानिक स्वराज्य संस्थांच्या निवडणुका दर पाच वर्षांनी घ्यायचा कायदा केला. यांनी तर निवडणुकाच टाळल्या. शेवटी न्यायालयाच्या आदेशाने त्या होत आहेत. आम्ही आरोग्य, शिक्षण, पाणी या प्रश्नांत प्राधान्याचे राजकारण केले.’’.Balasaheb Patil: झेडपी, पंचायत समिती स्वबळावर लढण्याची तयारी: बाळासाहेब पाटील; मसूरला कऱ्हाड उत्तर राष्ट्रवादीचा मेळावा!.बँकेचे अध्यक्ष विजयराव यादव म्हणाले, ‘‘आमच्या गावासह या मतदारसंघातील गावांत दिवंगत राजारामबापू आणि नंतर जयंत पाटील यांच्या माध्यमातून विकासकामे झाली आहेत. त्यांचे आमच्या गावांशी पिढ्यांचे ऋणानुबंध आहेत. ते यापुढेही कायम राहतील.’’.संचालक वैभव रकटे म्हणाले, ‘‘बावचीसाठी विरोधकांनी केले काय? आधी काहीतरी करावे आणि मग टीका करावी.’’ लालासाहेब अनुसे म्हणाले, ‘‘गावातील शिवस्मारकाचे काम पूर्ण होत आहे. लवकरच त्याचे लोकार्पण करूयात.’’.यावेळी काकासाहेब कोकाटे, नंदकुमार पाटील, सुरेश पाटील, लालासाहेब पाटील, सुनील पाटील, सतीश पाटील, सुवर्णा यादव, नितीन पाटील, वंदना शिंदे, मनीषा पाटील, संभाजी मस्के, एन. जी. पाटील, संजय पाटील, सागर डवंग, प्रकाश पाटील, विनायक पाटील, सर्जेराव पाटील, आनंदराव टिबे, सुभाष शिंगटे, भानुदास पाटील, विकास कांबळे, एस. आर. पाटील, मकरंद पाटील, डॉ. सारिका पाटील, प्रताप पाटील, दिलीप पाटील, प्रशांत पाटील, विराज पाटील आदींसह ग्रामस्थ उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.