कोल्हापूर - पंडित दीनदयाळ उपाध्याय सशक्तीकरण पुरस्कारात कोल्हापूर जिल्हा परिषद अव्वल ठरली आहे. जिल्हा परिषदेने ऑनलाईन सादर केलेल्या प्रस्तावानुसार व गुणांकनानुसार प्रथम क्रमांक पटकावला. श्रीनिवास बावा व अनिल कुमार या दोन सदस्यीय केंद्रीय पथकाने 7 ते 9 फेब्रुवारी या काळात तपासणी केली होती. त्याचा निकाल जाहीर झाला.
सकाळी जिल्हा परिषदेने राबविलेल्या नावीन्यपूर्ण योजनामध्ये पर्यावरणपूरक गणेशोत्सव, पंचगंगा नदी प्रदूषण मुक्त करणे, घनकचरा सांडपाणी व्यवस्थापन, डिजिटल शाळा, स्वच्छ विद्यालय पुरस्कार, शिंगणापूर निवासी क्रीडा प्रशाला, रेकॉर्ड सॉर्टिंग अंतर्गत डिजिटल रेकॉर्ड रूम, दिव्यांग उन्नती अभियान, बायोगॅस, आधारवड, कॅन्सर सर्व्हेक्षण, महिला बचत गटांचे काम, घरकुल योजना, बेटी बचाओ बेटी पढाओ, वृक्ष लागवड, वॉटर एटीएम, आयएसओ पशुसंवर्धन दवाखाने याचे सादरीकरण मुख्य कार्यकारी अधिकारी अमन मित्तल यांनी केले होते.
यावेळी पर्यावरणपूरक गणेशोत्सव, शिंगणापूर निवासी क्रीडा प्रशाला, रेकॉर्ड सॉर्टिंग अंतर्गत तयार केलेली डिजिटल रूम आदींची डॉक्युमेंटरी दाखविली होती. जिल्हा परिषदेने सेस निधीमधून राबविलेल्या शिंगणापूर निवासी क्रीडा प्रशालेची माहिती घेतली व समाधान व्यक्त केले. जिल्हा परिषद अध्यक्षा शौमिका महाडिक सर्व पदाधिकारी, सदस्य यांच्या मार्गदर्शनाखाली व श्री. मित्तल, अतिरिक्त मुख्य कार्यकारी अधिकारी रवी शिवदास, उपमुख्य कार्यकारी अधिकारी रविकांत आडसूळ व सर्व खातेप्रमुख व अधिकारी - कर्मचारी यांच्या सहकार्याने पुरस्कारात बाजी मारली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
